ଦିଲ୍ଲୀର ସମସ୍ତ ୭ଟି ଯାକ ଲୋକସଭା ଆସନରେ କଡ଼ା ମୁକାବିଲା

ନୂଆଦିଲ୍ଲୀ : ଦିଲ୍ଲୀର ସମସ୍ତ ୭ଟି ଯାକ ଲୋକସଭା ଆସନ ଲାଗି ହେବ ଲଢେଇ । ଚାନ୍ଦିନୀଚୌକରେ ପ୍ରବୀଣ ଖଣ୍ଡେଲଓ୍ବାଲ ବିଜେପିରୁ ପ୍ରାର୍ଥୀ ହୋଇଥିବାବେଳେ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ଜୟ ପ୍ରକାଶ ଅଗ୍ରଓ୍ବାଲ । ୨୦୧୪ ଓ ୨୦୧୯ରେ ବିଜୟୀ ହୋଇଥିଲେ ହର୍ଷବର୍ଦ୍ଧନ । ୨୦୦୪ରେ ବିଜୟୀ ହୋଇଥିଲେ କଂଗ୍ରେସର କପିଳ ସିବଲ । ଉତ୍ତର ପୂର୍ବ ଦିଲ୍ଲୀରେ ବିଜେପିର ମନୋଜ ତିଓ୍ବାରୀଙ୍କୁ ଟକ୍କର ଦେଉଛନ୍ତି କଂଗ୍ରେର କହ୍ନେୟା କୁମାର । ୨୦୦୯ରେ ମନୋଜ ଗୋରଖପୁରରେ ଯୋଗୀ ଆଦିତ୍ଯନାଥଙ୍କ ବିରୋଧରେ ଲଢ଼ି ହାରିଥିଲେ । ୨୦୧୯ରେ କଂଗ୍ରେସର ଶୀଲା ଦୀକ୍ଷିତଙ୍କୁ କରିଥିଲେ ପରାସ୍ତ । କଂଗ୍ରେସର ଫାୟାର ବ୍ରାଣ୍ଡ ଲିଡର କହ୍ନେୟା କୁମାର । ସେ ସିପିଆଇରୁ ଆରମ୍ଭ କରିଥିଲେ ରାଜନୈତିକ କ୍ୟାରିୟର । ପୂର୍ବ ଦିଲ୍ଲୀରେ ଆପରୁ ଲଢୁଛନ୍ତି କୁଳଦୀପ କୁମାର । ତାଙ୍କ ବିରୋଧରେ ପ୍ରାର୍ଥୀ ଅଛନ୍ତି ବିଜେପିର ହର୍ଷ ମାଲହୋତ୍ରା ।

ନୂଆଦିଲ୍ଲୀ ଆସନରେ ବିଜେପି ପ୍ରାର୍ଥୀ ଅଛନ୍ତି ସ୍ବର୍ଗତା ସୁଷମା ସ୍ବରାଜଙ୍କ ଝିଅ ବାଂସୁରୀ ସ୍ବରାଜ । ତାଙ୍କୁ ଟକ୍କର ଦେଉଛନ୍ତି ଆପର ସୋମନାଥ ଭାରତୀ । ବର୍ତ୍ତମାନ ଦିଲ୍ଲୀର ବିଧାୟକ ଅଛନ୍ତି ସୋମନାଥ ଭାରତୀ । ଉତ୍ତର ପଶ୍ଚିମ ଦିଲ୍ଲୀରେ ଯୋଗେନ୍ଦ୍ର ଚାନ୍ଦୋଳିଆ ବିଜେପିରୁ ଲଢୁଥିବାବେଳେ କଂଗ୍ରେସରୁ ଲଢୁଛନ୍ତି ଉଦିତ ରାଜ । ୨୦୧୪ରେ ବିଜେପିରୁ ବିଜୟୀ ହୋଇଥିଲେ ଉଦିତ ରାଜ ।  ପରେ ବିଜେପି ଛାଡ଼ି କଂଗ୍ରେସରେ ହୋଇଥିଲେ ସାମିଲ । ଦକ୍ଷିଣ ଦିଲ୍ଲୀରୁ ସାହିରାମ ପେହେଲଓ୍ବାନ ଆପ୍ ପ୍ରାର୍ଥୀ ହୋଇଥିବାବେଳେ ରାମବୀର ସିଂ ବିଧୁରୀ ଅଛନ୍ତି ବିଜେପି ପ୍ରାର୍ଥୀ । ସେହିପରି ପଶ୍ଚିମ ଦିଲ୍ଲୀରେ କମଲଜିତ ଶେରାଓ୍ବତ ବିଜେପି ପ୍ରାର୍ଥୀ ଥିବାବେଳେ ମହାବଳ ମିଶ୍ର ହୋଇନ୍ତି ବିଜେପିରୁ ପ୍ରାର୍ଥୀ ।