ଲକଡାଉନ୍ ୩.୦: କଟକରେ କୋହଳ ହେଲା ନିୟମ, ଖୋଲିଲା ସପିଂ ମଲ୍
କଟକ: କଟକ ସହରରେ ଥିବା ସମସ୍ତ ଗାର୍ମେଣ୍ଟସ୍ ମଲ ଖୋଲିଲା । ବାଦାମବଡି, ଦୋଳମୁଣ୍ଡାଇ, ନୂଆପାଟଣା ବଜ୍ରକବଟି ରେ ଥିବା ରିଲିୟନ୍ସ ଟ୍ରେଣ୍ଡ, ମେଟ୍ରୋ ବଜାର, କୋଲକାତା ବଜାର, ଗୀତଫ୍ୟାସନ ଆଦି ଲେଡିସ ଓ ଜେଣ୍ଟସ ଗାର୍ମେଣ୍ଟସ୍ ଥିବା ବଡ ସୋ’ ରୁମ ଖୋଲିବା ପାଇଁ ସିଏମସି ଅନୁମତି ଦେଇଛନ୍ତି ।
ଅନ୍ୟ ପକ୍ଷରେ ଢେଙ୍କାନାଳରେ ଲକଡାଉନ କଟକଣାକୁ ଅମାନ୍ୟ କରି ଦୋକାନ ଖୋଲିଥିବାରୁ ଢେଙ୍କାନାଳ ଟାଉନ ପୋଲିସ ତରଫରୁ ମିନା ବଜାର ଠାରେ ସ୍ମାର୍ଟ ଚଏସ ନାମକ ଗୋଟିଏ ଇମିଟେସନ ଦୋକାନକୁ ସିଲ କରିଛନ୍ତି ।
ସେହିଭଳି ମୟୂରଭଞ୍ଜ ଜିଲ୍ଲାରେ ମଧ୍ୟ କରୋନା କଟକଣାକୁ ନମାନିବାରୁ ୧୪ଟି ଦୋକାନକୁ ନୋଟିସ ଜାରିକଲା ଜିଲ୍ଲା ପ୍ରଶାସନ । ଶାଢ଼ୀ , ଡ୍ରେସ , ଗିଫ୍ଟ , ବ୍ଲାଉଜ ଆଦି ଦୋକାନକୁ ଜିଲ୍ଲା ପ୍ରଶାସନ ନୋଟିସ ଜାରି କରିଛନ୍ତି ।
