ପୁରୁଣା ଆବେଦନକାରୀଙ୍କ ଟେଷ୍ଟ ସରିଲେ ନୂଆ ଆରମ୍ଭ ହେବ..

ଭୁବନେଶ୍ୱର: ରାଜ୍ୟର ସମସ୍ତ ଆରଟିଓରେ ଆଜିଠୁ ଆରମ୍ଭ  ହେଉଛି ଲର୍ଣ୍ଣର୍ସ ଲାଇସେନ୍ସ ଟେଷ୍ଟ । ପୂର୍ବରୁ ଯେଉଁମାନେ ଆବେଦନ କରିଥିଲେ ସେମାନେ ହିଁ ଟେଷ୍ଟ ଦେଇପାରିବେ । ପ୍ରାୟ ଦୁଇ ଲକ୍ଷ ଲୋକଙ୍କ ଆବେଦନ ପଡ଼ିରହିଛି । ଏହି ଦୁଇ ଲକ୍ଷ ଲୋକଙ୍କ ଟେଷ୍ଟ ସରିବା ପରେ ନୂଆ ଆବେଦନ ଆରମ୍ଭ ହେବ ।

କରୋନା କଟକଣା ପାଇଁ ପ୍ରାୟ ୮ ମାସ ଧରି ଆରଟିଓରେ ଗାଡ଼ି ସଂପର୍କିତ ସମସ୍ତ ଟେଷ୍ଟ ବନ୍ଦ ଥିଲା । କରୋନା କଟକଣା ମଧ୍ୟରେ ଏକା ସମୟରେ ୬ ଜଣ ପ୍ରାର୍ଥୀ ଟେଷ୍ଟ ଦେଇପାରିବେ । ସାମାଜିକ ଦୂରତା ବଜାୟ ରଖିବା ପାଇଁ ସମସ୍ତ ଆରଟିଓଙ୍କୁ ନିର୍ଦ୍ଦେଶ ଦିଆଯାଇଛି । ଆବେଦନକାରୀଙ୍କ ପ୍ରଥମେ ଥର୍ମାଲ ସ୍କାନିଂ ହେବ । କରୋନା ଲକ୍ଷଣ ଦେଖାଦେଲେ ଟେଷ୍ଟ ପାଇଁ ଅନୁମତି ମିଳିବ ନାହିଁ । ସକାଳ ୭ଟାରୁ ଆରମ୍ଭ ହୋଇଛି ଟେଷ୍ଟ ପ୍ରକ୍ରିୟା ।