ଷ୍ଟେଜ ରେଡ୍ଡି, ରାତିକୁ ଅପେକ୍ଷା: ସବୁଠି ଜିରୋନାଇଟ୍ ସେଲିବ୍ରେସନ ପାଇଁ ଉତ୍ସାହ

ଭୁବନେଶ୍ବର: ୨୦୨୩ର ଶେଷ ଦିନ । ଘଡିରେ ଯେତେବେଳେ ୩ଟି କଣ୍ଟା ୧୨ ଉପରକୁ ଚାଲି ଆସିବ ସାରା ବିଶ୍ବ ପାଳିବ ଜିରୋ ନାଇଟ୍ ସେଲିବ୍ରସନ । ରଙ୍ଗୀନ ଆଲୋକକୁ ଆତସବାଜିରେ ନୂଆବର୍ଷକୁ ସ୍ବାଗତ କରିବେ ସମସ୍ତେ । ଏଥିପାଇଁ ଚାଲିଛି ଜୋରଦାର ପ୍ରସ୍ତୁତି । ଓଡ଼ିଶାରେ ବି ଜିରୋନାଇଟ୍ ସେଲିବ୍ରେସନକୁ ନେଇ ଦେଖିବାକୁ ମିଳିଛି ଉତ୍ସାହ ।

ଗାଁଠୁ ସହର ଏବେ ସମସ୍ତେ ଜିରୋନାଇଟ୍ ସେଲିବ୍ରେସନ ପ୍ରିପାରେସନରେ ଲାଗିଛନ୍ତି । କେଉଁଠି ନାଜଗୀତର ଆଓର ଜମିବ ତ ଆଉ କେଉଁଠି ଭୋଜି ଭାତର । ଠିକ ରାତି ୧୨ଟାରେ ନାଚି, ଗାଇ ସାଙ୍ଗ ସାଥି, ବନ୍ଧୁ ପରିଜନଙ୍କୁ ନୂଆବର୍ଷର ଅଭିନନ୍ଦନ ଜଣାଇ ଆଗାମୀ ଭବିଷ୍ୟତର ମଙ୍ଗଳ କାମନା କରିବେ ଲୋକେ ।

ଷ୍ଟେଜ୍ ରେଡ୍ଡ, ସାଉଣ୍ଡ ସେଟ ବି ହୋଇ ସାରିଛି । କେବଳ ରାତିକୁ ଅପେକ୍ଷା । ବିଳମ୍ବିତ ରାତି ଯାଏଁ ଚାଲିବ ସେଲିବ୍ରେସନ । ଟୁଇନସିଟିରେ ଜିରୋନାଇଟ୍ ଉତ୍ସବ ପାଳନ ଲାଗି ବ୍ୟାପକ ଆୟୋଜନ ହେଉଛି । ହୋଟେଲରୁ ଆରମ୍ଭ କରି ବିଭିନ୍ନ କ୍ଲବ୍ ପକ୍ଷରୁ ଆୟୋଜନ ହୋଇଛି । ଶୃଙ୍ଖଳାର ସହ ଉତ୍ସବ ପାଳନ ଲାଗି ଭୁବନେଶ୍ବର ସମେତ କଟକରେ ପୋଲିସ ପକ୍ଷରୁ କଡ଼ା ପଦକ୍ଷେପ ଗ୍ରହଣ କରାଯାଇଛି । ମଦ୍ୟପଙ୍କ ଉପରେ ନଜର ରଖିବାକୁ ବିଭିନ୍ନ ସ୍ଥାନରେ ବ୍ଲକିଂ କରାଯିବ । ନିଶା ଖାଇ ଧରାପଡିଲେ ସିଧା ଯିବେ ଥାନାକୁ । ଏଥିସହ ବାହାରେ କାର୍ଯ୍ୟକ୍ରମ ଆୟୋଜନ ଲାଗି ମଧ୍ୟ ରହିଛି କଟକଣା । ରାତି ୧୦ଟା ଯାଏଁ ଉଚ୍ଚ ଶବ୍ଦକାରୀ ସଂଗୀତ ବ୍ୟବହାର କରିପାରିବେ । ରାତି ୧୦ଟା ପରେ ସବୁକିଛି ବନ୍ଦ ହେବ । କଟକର ସମସ୍ତ କ୍ଲବ, ହୋଟେଲ ଓ ସାମାଜିକ ଅନୁଷ୍ଠାନଗୁଡିକୁ ଏନେଇ ସୂଚନା ଦେଇଛି ପୋଲିସ ।