ଆସୁଛି ପଞ୍ଚାୟତ ନିର୍ବାଚନ, ବିଜେଡି ସବୁ ବର୍ଗର ଲୋକଙ୍କ ପ୍ରିୟ ଦଳ : ବିଧାୟକ ଦେବୀ ପ୍ରସାଦ ମିଶ୍ର

ଭୁବନେଶ୍ୱର: ଆଗକୁ ଆସୁଛି ପଞ୍ଚାୟତ ନିର୍ବାଚନ। ସେଥିପାଇଁ ନିର୍ବାଚନ କମିଶନଙ୍କ ବଢ଼ୁଛି ପଞ୍ଚାୟତ ନିର୍ବାଚନ ଚିନ୍ତା। ସୁରୁଖୁରୁରେ ନିର୍ବାଚନ ଲାଗି ନଭେମ୍ବର ୬ ତାରିଖରେ ସର୍ବଦଳୀୟ ବୈଠକ ଡାକିଛନ୍ତି ନିର୍ବାଚନ କମିଶନ। ବୈଠକରେ ସମସ୍ତ ରାଜନୈତିକ ଦଳ ନିଜର ମତାମତ ରଖିବେ। ସ୍ୱଚ୍ଛ ଅବାଧ ଶୃଙ୍ଖଳିତ ନିର୍ବାଚନ ପରିଚାଳନା ପାଇଁ ବୈଠକରେ ଆଲୋଚନା ହେବ। ଏ ନେଇ ପ୍ରତିକ୍ରିୟା ରଖିଛି ଶାସକ ଦଳ ବିଜେଡି।

ପଞ୍ଚାୟତ ନିର୍ବାଚନବେଳେ ଗାଁ ଗାଁରେ ଟେନସନ ଥାଏ। ତେଣୁ ବ୍ଲକରେ ଭୋଟ ଗଣତି ହେଲେ ଭଲ ହେବ ବୋଲି କହିଛନ୍ତି ଦଳର ବରିଷ୍ଠ ବିଧାୟକ ଦେବୀ ପ୍ରସାଦ ମିଶ୍ର। ବିଜେଡିର କନଫିଡେନ୍ସନ ହେଉଛି ନବୀନଙ୍କ ନେତୃତ୍ୱ। ବିଜେଡି ସବୁ ବର୍ଗର ଲୋକଙ୍କ ପ୍ରିୟ ଦଳ। ଲୋକବଳ ହେଉଛି ବିଜେଡିର ବଳ। ଲୋକେ ସରକାରଙ୍କ ଉନ୍ନୟନମୂଳକ ପ୍ରକଳ୍ପକୁ ଦେଖି ବିଜେଡି ସହ ଯୋଡି ହୋଇ ରହିଛନ୍ତି। ସେଥିପାଇଁ ସବୁବେଳେ ବିଜେଡିର ବିଜୟ ଧାରା ବଜାୟ ରହିଛି। ଆଗକୁ ମଧ୍ୟ ବିଜେଡିର ବିଜୟ ଧାରା ବଜାୟ ରହିବ ବୋଲି ଦେବୀ ପ୍ରସାଦ ମିଶ୍ର କହିଛନ୍ତି।