ତିନି ଦଳର ଗୋଟିଏ ପ୍ରାର୍ଥୀ, କୋଟିଆ ପାଇଁ ସଭିଏଁ ଏକ୍

ଭୁବନେଶ୍ୱର: କୋଟିଆ ପାଇଁ ସବୁ ଦଳ ଏକ । କୋଟିଆ ନିର୍ବାଚନରେ ତିନି ଦଳ ପକ୍ଷରୁ ଗୋଟିଏ ପ୍ରାର୍ଥୀ ଭାବେ ଜିଲ୍ଲା ପରିଷଦ ସଭ୍ୟ ପାଇଁ ନାମାଙ୍କନ ପତ୍ର ଦାଖଲ କରିବାକୁ ତିନି ଦଳ ନେତାଙ୍କ ନିଷ୍ପତ୍ତି । ପୂର୍ବରୁ ମଧ୍ୟ କୋଟିଆକୁ ସବୁ ଦଳ ତଥା ଦଳ ଗତ ନିର୍ବିଶେଷରେ ଲଢେଇ ଜାରି ରଖିଛନ୍ତି । ସେଥିପାଇଁ ଆଜି ସର୍ଵ ଦଳୀୟ ବୈଠକରେ ଆଗ ମାଟି ପରେ ପାର୍ଟି ବୋଲି ନିଷ୍ପତ୍ତି ନେଇଛନ୍ତି ।

ସବୁ ଦଳ ପକ୍ଷରୁ ଗୋଟିଏ ପ୍ରାର୍ଥୀ ତଥା ଶିକ୍ଷିତ ଯୁବତୀଙ୍କୁ ପ୍ରାର୍ଥୀ କରାଯିବ ବୋଲି ମତ ପ୍ରକାଶ ପାଇଛି । ୱାର୍ଡ ଠୁ ଆରମ୍ଭ କରି ଜିଲ୍ଲା ପରିଷଦ ସଭ୍ୟ ପାଇଁ ସର୍ଵ ଦଳୀୟ ପ୍ରାର୍ଥୀ କରାଯିବ । ଏକତାର ପରିଚୟ ସୃଷ୍ଟି କରିବା ପାଇଁ ସବୁ ଦଳର ଜିଲ୍ଲା ସଭାପତି କହିଛନ୍ତି । ଆନ୍ଧ୍ର ଯେମିତି ସବୁ ଦଳର ନେତା ଏକ ହୋଇଛନ୍ତି । ସେମିତି ଓଡିଶା ଓ କୋରାପୁଟ ଜିଲ୍ଲାର ବିଜେପି, ବିଜେଡି ଓ କଂଗ୍ରେସ ପକ୍ଷରୁ ଉପସ୍ଥିତ ରହି ଏକ ସାମୁହିକ ନିଷ୍ପତ୍ତି ଗ୍ରହଣ କରାଯାଇଛି ବୋଲି ନେତା ମାନେ କହିଛନ୍ତି ।