ଆନ୍ଦୋଳନରୁ ଓହରିଲେ ଅଲ ଓଡିଶା ସ୍ବତନ୍ତ୍ର ସ୍କୁଲ କର୍ମଚାରୀ ସଙ୍ଘ

ଭୁବନେଶ୍ୱର: ଆନ୍ଦୋଳନରୁ ଓହରିଲେ ଅଲ ଓଡିଶା ସ୍ବତନ୍ତ୍ର ସ୍କୁଲ କର୍ମଚାରୀ ସଙ୍ଘ। ୫ ଦିନ ଧାରଣା ପରେ ଆନ୍ଦୋଳନ ପ୍ରତ୍ୟାହାର ନେଇ ଘୋଷଣା। ରାଜ୍ୟ ସରକାରଙ୍କ ସହିତ ଆଜି ସଙ୍ଘର ଏକ ୫ ଜଣିଆ ପ୍ରତିନିଧି ଦଳ ଯାଇ ଆଲୋଚନା କରିଛନ୍ତି । ଆଲୋଚନା ସନ୍ତୋଷ ଜନକ ହୋଇଥିବାରୁ ଧାରଣାରୁ ହଟିଥିବା ନେଇ ସାମ୍ବାଦିକ ସମିଳନୀରେ ସୂଚନା ଦେଇଛି ସଙ୍ଘ ।

ସୂଚନା ଅନୁଯାୟୀ, ୮ ଦଫା ଦାବି ନେଇ ଗତ ୨୭ ତାରିଖରୁ ଭୁବନେଶ୍ବର ଲୋୟର ପିଏମଜିରେ ଧାରଣା ଦେଇଥିଲା ସଙ୍ଘ। ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଅଧୀନରେ ସ୍ବତନ୍ତ୍ର ବିଦ୍ୟାଳୟରେ ଭିନ୍ନକ୍ଷମ ପିଲାଙ୍କ ପାଠପଢା ସହିତ ସେମାନଙ୍କ ଦେଖାଶୁଣା କରୁଛନ୍ତି ଏହି ସ୍ବତନ୍ତ୍ର କର୍ମଚାରୀ। ସେମାନଙ୍କୁ ସରକାରୀ ମାନ୍ୟତା ପ୍ରଦାନ ଶହ ନିୟମିତ କରାଯାଇ ଦରମା ପ୍ରଦାନ ଆଦି ଦାବି କରିଥିଲା ସଂଘ । ତେବେ ରାଜ୍ୟ ସରକାରଙ୍କ ଉପରେ ପୂର୍ଣ୍ଣ ବିଶ୍ବାସ ରହିଛି ବୋଲି ସଂଘ କହିଛି ।