ଆମେରିକାରେ ବ୍ରିଜ୍ ଭୁଶୁଡିବା ଘଟଣା; ଜାହାଜରେ ଥିବା ଭାରତୀୟ କ୍ରୁ ମେମ୍ବରଙ୍କୁ ‘ହିରୋ’ ଆଖ୍ୟା ଦେଲେ ଗଭର୍ଣ୍ଣର

ବାଲଟିମୋର: ଆମେରିକା ବାଲଟିମୋରରେ ଥିବା ଫ୍ରାନ୍ସିସ୍ ସ୍କଟ୍ କି ବ୍ରିଜରେ ମାଡ଼ ହୋଇ ନଦୀକୁ ଖସିପଡିଥିବା କଣ୍ଟେନର ଜାହାଜରେ ଥିବା ସମସ୍ତ ୨୨ ଜଣ ସଦସ୍ୟ ଭାରତୀୟ ବୋଲି ଜାହାଜ ପରିଚାଳନା କମ୍ପାନୀ ପକ୍ଷରୁ ସୂଚନା ମିଳିଛି। ସେମାନେ ସମସ୍ତେ ନିରାପଦ ଓ ସୁସ୍ଥ ଅଛନ୍ତି। ମେରିଲ୍ୟାଣ୍ଡ ଗଭର୍ଣ୍ଣର ୱେସ ମୋର୍ କହିଛନ୍ତି ହେ, ବ୍ରିଜରେ ଧକ୍କା ହେବା ପୂର୍ବରୁ କ୍ରୁ ମେମ୍ବର ଆଲର୍ଟ ଦେଇଥିଲେ । ଫଳରେ ବ୍ରିଜର ଉଭୟ ପାର୍ଶ୍ୱରୁ ଯାତୟାତ ବନ୍ଦ କରିଦିଆଯାଇଥିଲା । ଫଳରେ ଅନେକ ଜୀବନ ଅଳ୍ପକେ ବର୍ତ୍ତିଯାଇଥିଲା । ଯେଉଁଥିପାଇଁ ଭାରତୀୟ କ୍ରୁଙ୍କୁ “ହିରୋ” ବୋଲି ଆଖ୍ୟା ଦେଇଛନ୍ତି ଗଭର୍ଣ୍ଣର।

ବ୍ରିଜରେ ଧକ୍କା ହେବାର କିଛି ମିନିଟ୍‌ ପୂର୍ବରୁ ଜାହଜ ପକ୍ଷରୁ ଆଲର୍ଟ କଲ୍‌ ଜାରି କରାଯାଇଥିଲା। ଫଳରେ ତୁରନ୍ତ ବ୍ରିଜର ଉଭୟ ପାର୍ଶ୍ୱର ଟ୍ରାଫିକକୁ ବନ୍ଦ କରି ଦିଆଯାଇଥିଲା ବୋଲି ସେ ପ୍ରକାଶ କରିଛନ୍ତି। ମଙ୍ଗଳବାର ସକାଳେ ୯୪୮ ଫୁଟର କଣ୍ଟେନର ଜାହାଜ ବ୍ରିଜ୍ ସହିତ ଧକ୍କା ହେବା ପରେ ଏକାଧିକ ଗାଡି ପାଣିରେ ପଡ଼ିଯାଇଥିଲା। ସେପଟେ ଧକ୍କା ଦେଇଥିବା ଜାହାଜର କ୍ରୁ-ମେମ୍ବରଙ୍କ ପ୍ରଶଂସା କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ।

Owners and managers of the Singapore-flagged container ship “DALI” (IMO 9697428) report that the vessel collided with one of the pillars of the Francis Scott Key Bridge, Baltimore whilst under pilotage with two pilots onboard, at approximately 0130 local time on 26th March. All… https://t.co/G6oPKuzkOw

— ANI (@ANI) March 26, 2024

ଉଲ୍ଲେଖଯୋଗ୍ୟ, ବାଲଟିମୋଟର ପଟାପସୋ ନଦୀରେ ମାଲବାହୀ ଯାଜାଜ ବ୍ରିଜ ତଳ ଦେଇ ଯିବାବେଳେ ବ୍ରିଜର ଏକ ପିଲାରକୁ ଧକ୍କା ଦେଇଥିଲା। ଏହାପରେ ବ୍ରିଜ ନଦୀକୁ ଧସି ପଡିଥିଲା। ଦୁର୍ଘଟଣା ପରେ ନଦୀକୁ ଖସି ପଡିଥିବା ଲୋକଙ୍କୁ ଉଦ୍ଧାର ଲାଗି ପ୍ରୟାସ ଚାଲିଛି। ଡାଇଭିଂ ଟିମ ସହ ଲୋକଙ୍କୁ ଠାବ ଲାଗି ଚାଲିଛି ସର୍ଚ୍ଚ ଅପରେସନ। ପୋଲିସ ଓ ଫାୟାର ଟିମ ରେସକ୍ଯୁ ଅପରେସନରେ ମୁତୟନ ହୋଇଛନ୍ତି।

ପଟାପସୋ ନଦୀ ଉପରେ ନିର୍ମିତ ଏହି ବ୍ରିଜର ଲମ୍ବ ୩ କିଲୋମିଟର ହୋଇଥିବାବେଳେ ବ୍ରିଜ ଦୁର୍ଘଟଣା ଘଟିବା ସମୟରେ ପ୍ରାୟ ୨୦ ଶ୍ରମିକ କାମ କରୁଥିଲେ। ଏକାଧିକ ଗାଡି ବ୍ରିଜକୁ ଖସି ପଡିଥିବାରୁ ଅନେକ ଲୋକଙ୍କ ମୃତ୍ଯୁ ଆଶଂକା କରାଯାଉଛି। ବ୍ରିଜ ଧସିବା ପରେ ମାଲବାହୀ ଜାହାଜରେ ନିଆଁ ଲାଗିଯାଇଥିଲା। ବ୍ରିଜ ଦୁର୍ଘଟଣାକୁ ମେରିଲ୍ଯାଣ୍ଡ ଗଭର୍ଣ୍ଣର ଏମର୍ଜେନ୍ସି ଜାରି କରିଛନ୍ତି। ଅପରପକ୍ଷେ ବାଲଟିମୋର ଆମେରିକାର ପଣ୍ୟବାହୀ ଜାହାଜ କାରବାରର ଏକ ପ୍ରମୁଖ କେନ୍ଦ୍ର ଭାବେ ବେଶ ପରିଚିତ।