ତୃତୀୟ ପର୍ଯ୍ୟାୟ ମତଦାନ ପାଇଁ ସମସ୍ତ ପ୍ରସ୍ଥୁତି ଶେଷ

ଭୁବନେଶ୍ୱର : ରାଜ୍ୟରେ ଆସନ୍ତା ୨୫ତାରିଖରେ ହେବାକୁ ଯାଉଛି ତୃତୀୟ ପର୍ଯ୍ୟାୟ ମତଦାନ । ସେ ନେଇ ସମସ୍ତ ପ୍ରସ୍ଥୁତି ସରିଥିବା କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ଧଳ । ସେ କହିଛନ୍ତି ତୃତୀୟ ପର୍ଯ୍ୟାୟ ନିର୍ବାଚନ ରେ ୯୪ ଲକ୍ଷ ୪୮ ହଜାର ଭୋଟର୍ ଭୋଟ ଦେବେ। ପୁରୁଷ ଭୋଟର୍ ଙ୍କ ସଂଖ୍ୟା ୪୮ଲକ୍ଷ ୩୦ହଜାର। ୪୬ ଲକ୍ଷ ୧୮ ହଜାର ମହିଳା ଭୋଟର୍। ୨୧% ଯୁବ ଭୋଟର୍ ରହିଛନ୍ତି । ୩ ହଜାର ଭୋଟର୍ ୮୫ ବର୍ଷରୁ ଅଧିକ ବୟସ୍କ ଘରୁ ମତଦାନ କରିଛନ୍ତି। ତୃତୀୟ ପର୍ଯ୍ୟାୟ ଭୋଟିଂରେ ମୋଟ ସାଂସଦ ପ୍ରାର୍ଥୀ ଅଛନ୍ତି ୬୪ ଜଣ ଏବଂ ୩୮୩ ଜଣ  ବିଧାୟକ ପ୍ରାର୍ଥୀ ଭାବେ ନିର୍ବାଚନ ପ୍ରତିଦ୍ୱନ୍ଦିତା କରୁଛନ୍ତି ।

ଅନ୍ୟପଟେ ସେ କହିଛନ୍ତି ତୃତୀୟ ପର୍ଯ୍ୟାୟରେ ମୋଟ ବୁଥ୍ ସଂଖ୍ୟା ୧୦ ହଜାର ୫୫୧ । ୨ ହଜାର ମଡେଲ ବୁଥ। ଏହି ପର୍ଯ୍ୟାୟରେ ସର୍ବାଧିକ ୧୨୧ କମ୍ପାନୀ CAPF ମୁତୟନ ହୋଇଛନ୍ତି । ଅନ୍ଧାରୀ ବିଜେ ରୋକିବାକୁ Silent Hour ଆରମ୍ଭ ହେବ । ସବୁ ହୋଟେଲ, ଗେଷ୍ଟ ହାଉସ୍ ଯାଞ୍ଚ ହେବ। କେହି ଯେମିତି ନିର୍ବାଚନମଣ୍ଟଳିର ବାହାରଲୋକ  ରହିବେ ନାହିଁ । ନିୟମ ଖିଲାପ ହେଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ। ଅନ୍ୟପଟେ କେନ୍ଦୁଝର ହିଂସା ସମ୍ପର୍କରେ ପ୍ରତିକ୍ରିୟା ରଖି କହିଥିଲେ ଅଧିକ ଫୋର୍ସ ମୁତୟନ ହୋଇଛନ୍ତି । ୬ ସଂସଦୀୟ କ୍ଷେତ୍ରରେ ମୋଟ ୨୬୩.୫୫ କୋଟି ଟଙ୍କାର ସିଜର ହୋଇଛି । ୬ଟି ସଂସଦୀୟ କ୍ଷେତ୍ରରୁ ୧୨ କୋଟି ୨୨ ଲକ୍ଷ ଟଙ୍କା ଜବତ | ୧୨ କୋଟି ୮୩ ଲକ୍ଷ ମଦ ଜବତ । ମୋଟ ୮୭ କୋଟି ଜବତ ।  ଭୁବନେଶ୍ୱରରୁ ୯.୬୬ କୋଟି । ପୁରୀ ରୁ ୨.୮୨ ଲକ୍ଷ ଜବତ ।