ବ୍ୟାଙ୍କର ଘରୋଇକରଣକୁ ବିରୋଧ କରି ଏହି ଧର୍ମଘଟ ଡାକରା, ଆଜିଠାରୁ ୨ଦିନ ପର୍ଯ୍ୟନ୍ତ ବନ୍ଦ ରହିବ ସମସ୍ତ ବ୍ୟାଙ୍କ

ନୂଆଦିଲ୍ଲୀ: ଆଜିଠୁ ଦୁଇ ଦିନିଆ ବ୍ୟାଙ୍କ ଧର୍ମଘଟ। ଆଜି ଓ କାଲି ଧର୍ମଘଟ କରିବ ବ୍ୟାଙ୍କ ୟୁନିଅନ। ଏଥି ପାଇଁ ବନ୍ଦ ରହିବ ସମସ୍ତ ବ୍ୟାଙ୍କ। ବ୍ୟାଙ୍କର ଘରୋଇକରଣକୁ ବିରୋଧ କରି ଏହି ଧର୍ମଘଟ ଡାକରା ଦିଆଯାଇଛି। ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିଅନ ଦେଇଥିବା ଧର୍ମଘଟରେ ସାମିଲ ହୋଇଛନ୍ତି ୯ଟି ସଂଘ। ଚଳିତ ବଜେଟରେ ଦୁଇଟି ସରକାରୀ ବ୍ୟାଙ୍କର ଘରୋଇକରଣ ପାଇଁ ଘୋଷଣା କରିଥିଲେ କେନ୍ଦ୍ର ସରକାର। ଯାହାକୁ ବିରୋଧ କରି ସଂଘ ଧର୍ମଘଟ ଡାକରା ଦିଆଯାଇଛି। ତେବେ ଧର୍ମଘଟ ସମୟରେ ଜାରି ରହିବ ମୋବାଇଲ୍ ଓ ଇଣ୍ଟରନେଟ୍ ବ୍ୟାଙ୍କିଂ ସୁବିଧା। ଧର୍ମଘଟକୁ ସମର୍ଥନ କରି ରାଜ୍ୟର ୮ଟି କେନ୍ଦ୍ରୀୟ ଶ୍ରମିକ ସଙ୍ଗଠନ ଆଜି ଭୁବନେଶ୍ୱର ରେଲଓ୍ୱେ ଷ୍ଟେସନ ସମ୍ମୁଖରେ ପ୍ରତିବାଦ କରିବେ। ଦେଶରେ ରେଳ, ବ୍ୟାଙ୍କ, ବୀମା ଓ ପ୍ରତିରକ୍ଷା ଆଦିର ଘରୋଇକରଣକୁ ବିରୋଧ କରି ଏଭଳି ନିଷ୍ପତ୍ତି ନିଆଯାଇଛି। ସରକାର ଚଳିତବର୍ଷ ଦୁଇଟି ବ୍ୟାଙ୍କ ଓ ଗୋଟିଏ ବିମା କମ୍ପାନୀକୁ ଘରୋଇକରଣ କରିବା ପାଇଁ ନିଷ୍ପତ୍ତି ନେଇଛନ୍ତି, ଯାହାକୁ ବିରୋଧ କରୁଛି ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିଅନ।