ପ୍ରବାସୀଙ୍କ ପାଇଁ ଆଲର୍ଟରେ ଓଡ଼ିଶାର ୧୮ଟି ମେରାଇନ୍ ଷ୍ଟେସନ୍
ଭୁବନେଶ୍ୱର: ବିଭିନ୍ନ ରାଜ୍ୟରେ ଲକଡାଉନ୍, ସଟଡାଉନ୍ ଲାଗୁ ହୋଇଛି । ବଢ଼ୁଥିବା ସଂକ୍ରମଣକୁ ଦେଖି ସରକାର କୋଭିଡ୍ ନେଗେଟିଭ୍ ରିପୋର୍ଟ ଏବଂ ଦ୍ୱିତୀୟ ଡୋଜ୍ ଟିକା ପ୍ରମାଣପତ୍ରକୁ ବାଧ୍ୟତାମୂଳକ କରିଛନ୍ତି । ନଚେତ୍ ବାହାର ରାଜ୍ୟରୁ ଫେରିଥିଲେ ୧୪ ଦିନ ଲାଗି କ୍ୱାରେଣ୍ଟାଇନରେ ରହିବାକୁ ପଡ଼ିବ । ଅନ୍ୟପଟେ ଦେଶରେ ଲକଡାଉନ୍ ଆଶଙ୍କା କରି ପ୍ରବାସୀ ଘରମୁହାଁ ହେଉଛନ୍ତି ।
ସରକାର କରୋନା ପାଇଁ ଚେକିଂ ସହ ଯାଞ୍ଚକୁ କଡ଼ାକଡ଼ି କରିଛନ୍ତି । ଏସବୁ ଦୃଷ୍ଟିରୁ ପ୍ରବାସୀ ଜଳ ପଥ ଦେଇ ଓଡ଼ିଶା ଆସିପାରନ୍ତି । ଏଥିପାଇଁ ସୁରକ୍ଷା ବ୍ୟବସ୍ତାକୁ କଡ଼ାକଡ଼ି କରିଛି ସମୁଦ୍ର ତଟ ସୁରକ୍ଷା ବଳ । ରେଲୱେ ଓ କୋ ନିଷ୍ଟ ଗାର୍ଡ ସିକ୍ୟୁଟି ଏଡିଜି ଏନେଇ ସୂଚନା ଦେଇଛନ୍ତି । ୧୮ଟି ମେରାଇନ ଷ୍ଟେସନରେ ଚେକିଂ ଚାଲିଛି । ଫିଶ ଲଣ୍ଡିଂ ଷ୍ଟେସନରେ ସୁରକ୍ଷା ବଢ଼ାଇ ଦିଆଯାଇଛି । ମେରାଇନ୍ ଷ୍ଟେସନରେ ପାଟ୍ରୋଲିଂ ଚାଲୁଛି, ସବୁ ବୋଟରେ ଚେକିଂ ଚାଲିଛି । ପ୍ରତ୍ୟେକ ଥାନାରେ ସାଗର ରକ୍ଷକ ଦଳ ଆମକୁ ବାହାରୁ ଜଳ ପଥ ଦେଇ ଆସୁଥିବା ଲୋକଙ୍କ ବିଷୟରେ ସୂଚନା ଦେଉଛନ୍ତି ।
ଏଥିସହ ରାତିରେ ମଟର ସାଇକେଲରେ ପାଟ୍ରୋଲିଂ ହେଉଛି । କୋଷ୍ଟାଲ ଏରିଆରେ ଜବରଦସ୍ତ ଚେକିଂ ଚାଲିଛି । ପୂରା ଓଡ଼ିଶାର ୧୮ଟି ମେରାଇନ୍ ଷ୍ଟେସନରେ ପ୍ରବାସୀଙ୍କ ପାଇଁ ଚେକିଂ ଚାଲିଛି । ବାହାରୁ କୌଣସି ବୋଟ୍ ଆସିଲେ ସିଜ୍ କରାଯିବ । ଆସିଥିବା ଲୋକଙ୍କ ସମ୍ପର୍କରେ ଖବର ଦିଆଯାଇ ସେମାନଙ୍କୁ କ୍ୱାରେଣ୍ଟାଇନରେ ରଖା ଯିବ ।
