ଅଳକା ନଦୀର ହେବ ପୁନରୁଦ୍ଧାର, ଉଚ୍ଛେଦ ହେବ ଜବରଦଖଲ

ଜଗତସିଂହପୁର: ଅଳକା ନଦୀର ପୁନରୁଦ୍ଧାର କରାଯିବ । ଜଗତ୍‌ସିଂହପୁର ଜିଲ୍ଲାରେ ଅଳକା ନଦୀର ପୁନରୁଦ୍ଧାର ପାଇଁ ଅଣ୍ଟା ଭିଡ଼ିଛି ଡ୍ରେନେଜ୍ ବିଭାଗ । ଦୀର୍ଘଦିନ ଧରି ଏହି ନଦୀ ଜବରଦଖଲରେ ରହିଥିବା ବେଳେ କାଳକ୍ରମେ ଏହା ପୋତି ହୋଇଯାଇଥିଲା ।

ନବକୃଷ୍ଣ ଚୌଧୂରୀ ଷ୍ଟାଡିୟମଠାରୁ ଓଡ଼ିଶୋ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଲୋକମାନେ ଏହାକୁ ଜବରଦଖଲରେ ରଖିଛନ୍ତି । ଏ ନେଇ ନନ୍ଦିଘୋଷ ଟିଭିରେ ଖବର ପ୍ରସାରିତ ହେବା ପରେ ଏହାର ପୁନରୁଦ୍ଧାର ପାଇଁ ଡ୍ରେନେଜ୍ ବିଭାଗ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି । ତେବେ କେତେ ଜାଗାରେ ନଦୀକୁ ଜବରଦଖଲ କରାଯାଇଛି, ସେଗୁଡ଼ିକୁ ଚିହ୍ନଟ କରାଯାଇ ଜବରଦଖଲକାରୀଙ୍କୁ ନୋଟିସ୍ କରାଯିବ ବୋଲି ବିଭାଗ ପକ୍ଷରୁ ସୂଚନା ମିଳିଛି ।

ଦେଭୋଗ, ରସଲପୁର, ଓଡ଼ିଶୋ ଦେଇ ପ୍ରବାହିତ ଏହି ନଦୀର ମାପଚୁପ କରାଯିବ । ଏଥିପାଇଁ ସର୍ଭେ କାର୍ଯ୍ୟ ଆରମ୍ଭ ହୋଇଛି । ଚାଷ କାର୍ଯ୍ୟ ପାଇଁ ବହୁ ଚାଷୀ ଏହି ନଦୀ ପାଣି ଉପରେ ନିର୍ଭର କରନ୍ତି । ହେଲେ ଏବେ ଏହା ପୋତି ହୋଇ ପଡ଼ିଥିବାରୁ ଚାଷୀମାନେ ନାନା ସମସ୍ୟାର ସମ୍ମୁଖିନ ହେଉଛନ୍ତି ।