ମଙ୍ଗଳରେ ଅଛନ୍ତି ଏଲିୟନ୍ସ; ଟ୍ରମ୍ପ ଜାଣିଛନ୍ତି ବୋଲି କହିଲେ ଇସ୍ରାଏଲର ଏହି ବୖେଜ୍ଞାନିକ

ନୂଆଦିଲ୍ଲୀ: ମଙ୍ଗଳ ଗ୍ରହରେ ଏଲିୟନ୍ସ ଥିବା ନେଇ ଦାବି କରିଛନ୍ତି ଇସ୍ରାଏଲର ପୂର୍ବତନ ସ୍ପେସ୍ ଚିଫ୍ ହୖେମ ଇସଡ । ଏମିତିକି ଏହି ଏଲିୟନ୍ସ ମାନେ ପୃଥିବୀରେ ଲୁଚି ରହିଛନ୍ତି  ବୋଲି ସେ ପ୍ରକାଶ କରିଛନ୍ତି ।

ତାଙ୍କ ଦାବି ଅନୁଯାୟୀ ଏଲିୟନ୍ସର ଆମେରିକା ଏବଂ ଇସ୍ରାଏଲ ସହିତ ମଧ୍ୟ ସମ୍ପର୍କ ରହିଛି । କେବଳ ଏତିକି ନୁହେଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହା ମଧ୍ୟ ଏସମ୍ପର୍କରେ ଜାଣିଛନ୍ତି । ମାନବ ପ୍ରଜାତି ଏପର୍ଯ୍ୟନ୍ତ ଏହି ସତ୍ୟକୁ ଗ୍ରହଣ କରିବାକୁ ପ୍ରସ୍ତୁତ ନଥିବାରୁ ଏସବୁ ଲୁଚି ରହିଛି ବୋଲି ଇସଡ କହିଛନ୍ତି ।

୩୦ ବର୍ଷ ଧରି ଇସ୍ରାଏଲର ମହାକାଶ ସୁରକ୍ଷା କାର୍ଯ୍ୟକ୍ରମ ପରିଚାଳନା କରୁଥିବା ହୖେମ ଇସଡ ଇସ୍ରାଏଲର ଏକ ଖବରକାଗଜ ୟେଡିଅତ ଅହରୋନୋତଙ୍କ ସହ କଥାବାର୍ତ୍ତା ବେଳେ ଏଭଳି ଦାବି କରିଛନ୍ତି । ଏପରିକି ଆମେରିକା ସହିତ ଗୁପ୍ତ ଚୁକ୍ତିନାମା ଅନୁଯାୟୀ ମଙ୍ଗଳ ଗ୍ରହରେ ଏକ ଭୂତଳ ବେସ ଚଳାଉଥିବା ଏକ ଗାଲାକ୍ଟିକ ଫେଡେରେଶନ ଗଠନ କରାଯାଇଛି।

ଟ୍ରମ୍ପ ଏନେଇ ଖୁଲାସା କରିବାକୁ ଚାହୁଁଥିବା ବେଳେ ଏଲିୟନ୍ସମାନେ ତାଙ୍କ ଉପରେ ଚାପ ପକାଇ ଅଟକାଇ ଦେଇଥିଲେ। ସେ କହିଛନ୍ତି ଯେ ପୃଥିବୀକୁ ଯାଉଥିବା ଏଲିୟନ୍ସ ଏବଂ ଆମେରିକା ସରକାରଙ୍କ ମଧ୍ୟରେ ଏକ ଚୁକ୍ତି ହୋଇଛି। ଡୋନାଲ୍ଡ ଟ୍ରମ୍ପଙ୍କ କାର୍ଯ୍ୟକାଳ ମଧ୍ୟରେ ଏହି ଏଲିୟନ୍ସଙ୍କ ସହିତ କିଛି ସମ୍ପର୍କ ସ୍ଥାପନା ହୋଇଥିଲା ।

ଆହୁରି ମଧ୍ୟ ଇସଡ କହିଛନ୍ତି ଯେ ସେ ଏହି ସୂଚନା ଯେଉଁଠିବି ଦେଇଛନ୍ତି ସେଠାରେ ତାଙ୍କୁ ପାଗଳ ବୋଲି କୁହାଯାଇଛି । ଇସ୍ରାଏଲ୍ ବିଶେଷଜ୍ଞ ଏକ ପୁସ୍ତକ ମଧ୍ୟ ଲେଖିଛନ୍ତି ଯେଉଁଥିରେ ସେ ଦାବି କରିଛନ୍ତି ଯେ ପୃଥିବୀ ଉପରେ ଆଣବିକ ଦୁର୍ଘଟଣାକୁ ରୋକିବାରେ ବିଦେଶୀମାନେ କିପରି ସାହାଯ୍ୟ କରିଛନ୍ତି?

ସୂଚନାଯୋଗ୍ୟ, ଯେତେବେଳେ ଇସଡ ୨୦୧୧ରେ ଅବସର ନେଇଥିଲେ, ସେତେବେଳେ ଇସ୍ରାଏଲ୍ ମିଡିଆ ତାଙ୍କୁ ଇସ୍ରାଏଲର ଉପଗ୍ରହ କାର୍ଯ୍ୟକ୍ରମର ପିତା ବୋଲି ବିବେଚିତ କରିଥିଲା । ସେ ତାଙ୍କ ପୁସ୍ତକରେ UFO ସମ୍ବନ୍ଧୀୟ ଅନେକ ତତ୍ୱ ବିଷୟରେ ଉଲ୍ଲେଖ କରିଛନ୍ତି ।