ସୌମ୍ୟଙ୍କୁ ଅଲେଖଙ୍କ ସମାଲୋଚନା, କହିଲେ ଜୟଦେବ ଜେନାଙ୍କ ସହ ଯାହା କରିଥିଲେ ଏବେ ପାଇଲେ

ଭୁବନେଶ୍ବର: ବିଜେଡିରୁ ବହିଷ୍କୃତ ହେଲେ ଖଣ୍ଡପଡ଼ା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ । ଗଣମାଧ୍ୟମକୁ ଝାଲ କରି ବିଭିନ୍ନ ଭୁଲ ଖବର ପ୍ରସାରଣ କରୁଥିବା ଅଭିଯୋଗ ହୋଇଛି । ତେବେ ସୌମ୍ୟଙ୍କୁ ଟାର୍ଗେଟ କଲେ ପୂର୍ବତନ କଂଗ୍ରେସ କର୍ମୀ ଅଲେଖ ସାମଲ । କହିଲେ, ତଦନ୍ତକୁ ସାମ୍ନା କରନ୍ତୁ ସୌମ୍ୟ। ଗଣମାଧ୍ୟମର କ୍ଷମତା ନ ଦେଖାଇ ଅଭିଯୋଗର ତଦନ୍ତରେ ସହଯୋଗ କରନ୍ତୁ। କର୍ମଚାରୀଙ୍କ ସାଲାରୀ ସାର୍ଟିଫିକେଟ, ପ୍ୟାନ କାର୍ଡ, ଆଇ କାର୍ଡ ସବୁ କିଛି ଜାଲିଆତି କରି ବ୍ୟାଙ୍କରୁ ଫ୍ରଡ଼ କରିଛନ୍ତି। ବୈଜୟନ୍ତ କର ସବୁ କାରନାମା କରିଛନ୍ତି। ସୌମ୍ୟ ବାବୁ ସବୁ ଜାଣିଛନ୍ତି। ତଦନ୍ତର ସାମ୍ନା ନ କରି ଏବେ ତାଙ୍କ ସପକ୍ଷରେ ଓକିଲାତି କରିବାକୁ ଲୋକ ଯୋଗାଡ଼ କରୁଛନ୍ତି।।ତାଙ୍କର ଏ ପୁରୁଣା ଅଭ୍ୟାସ । କଂଗ୍ରେସ ରୁ ସସପେଣ୍ଡ ହେବା ବେଳେ ଜୟଦେବ ଜେନା ଆଉ ତାଙ୍କ ପୁଅ ବାପି ଜେନାଙ୍କ ବିରୋଧରେ ଏଭଳି ମିଛ ଅଭିଯୋଗ କରିଥିଲେ। ନିଜ ଗଣମାଧ୍ୟମକୁ ବ୍ୟବହାର କରୁଥିଲେ। ଅଭିଯୋଗ ଆସିଛି, ପଦରୁ ଇସ୍ତଫା ଦେଇ ତଦନ୍ତକୁ ସାମ୍ନା କରନ୍ତୁ।

ସୌମ୍ୟଙ୍କ ସପକ୍ଷରେ ଯୁକ୍ତି ବାଢ଼ିଛନ୍ତି ପିସିସି ସଭାପତି ଶରତ ପଟ୍ଟନାୟକ । ଯାହାକୁ ନେଇ ଅଲେଖ ତାଙ୍କୁ ଟାର୍ଗେଟ କରି କହିଛନ୍ତି କି, କଣ ଜାଣିଛନ୍ତି ଏ କାରବାର ବିଷୟରେ। କିଛି ନ ଜାଣି ସୌମ୍ୟଙ୍କ ସପକ୍ଷରେ ଓକିଲାତି କରିବା ଠିକ ନୁହେଁ। ଯଦି ଅଭିଯୋଗ ସତ୍ୟ ହୁଏ, ତାହାଲେ ଶରତ ପଟ୍ଟନାୟକ କଣ କରିବେ? ଏମାନେ ତ ସବୁ ବିଜେପି ସାଙ୍ଗରେ ଅଛନ୍ତି। ଦଳ ବୁଡ଼ିଲା ବେଳକୁ ଏଆଇସିସି ଏଭଳିଆ ଜଣେ ଘୋଡା ମୁହାଁ କୁ ପଠାଇଛି।