ଅକ୍ଷୟ-ଟ୍ୱିଙ୍କଲ୍ ବିବାହ କରିବା ପୂର୍ବରୁ ଶାଶୂ ଡିମ୍ପଲ ରଖିଥିଲେ ଏମିତି ସର୍ତ୍ତ !

ନନ୍ଦିଘୋଷ ବ୍ୟୁରୋ: ସେପ୍ଟେମ୍ବର ୯ରେ ଅମୃତସରରେ ଜନ୍ମଗ୍ରହଣ କରିଥିଲେ ବଲିଉଡ୍‌ ଖିଲାଡି ଅକ୍ଷୟ କୁମାର। କୌଣସି ଗଡ୍‌ଫାଦର ନଥାଇ ଅକ୍ଷୟ ବଲିଉଡରେ ନିଜର ଏକ ସ୍ବତନ୍ତ୍ର ପରିଚୟ କରିଛନ୍ତି । ଆଜି ତାଙ୍କର ପ୍ରାୟ ପ୍ରତ୍ୟେକ ଫିଲ୍ମ କୋଟି କୋଟି ଟଙ୍କା ଆୟ କରୁଛି। ତେବେ ସେ ତାଙ୍କର ବୃତ୍ତିଗତ ଓ ବ୍ୟକ୍ତିଗତ ଜୀବନ ପାଇଁ ସବୁବେଳେ ଚର୍ଚ୍ଚାରେ ରହିଥାଆନ୍ତି । ଏପରିକି ତାଙ୍କ ନାମ ଅନେକ ବରିଷ୍ଠ ଅଭିନେତ୍ରୀଙ୍କ ସହ ମଧ୍ୟ ଯୋଡ଼ା ଯାଇଛି। ବର୍ତ୍ତମାନ ଅକ୍ଷୟ ଏବଂ ତାଙ୍କ ପତ୍ନୀ ଟ୍ୱିଙ୍କଲ୍ ଦୁଇଟି ସନ୍ତାନଙ୍କ ପିତାମାତା। ଅକ୍ଷୟ ଏବଂ ଟ୍ୱିଙ୍କଲ୍ ୨୪ବର୍ଷ ପୂର୍ବେ ବିବାହ କରିଥିଲେ ତେବେ ନିକଟରେ ତାଙ୍କର ଏକ ବ୍ୟକ୍ତିଗତ କାହାଣୀ ବିଷୟରେ ଚର୍ଚ୍ଚା ଜୋର ଧରିଛି ।

ଅକ୍ଷୟ କୁମାର ୯ ସେପ୍ଟେମ୍ବର ୧୯୬୭ରେ ପଞ୍ଜାବର ଅମୃତସରରେ ଜନ୍ମଗ୍ରହଣ କରିଥିଲେ । ଆଜି ସେ ତାଙ୍କର ୫୮ତମ ଜନ୍ମଦିନ ପାଳନ କରୁଛନ୍ତି। ସେ ୧୯୯୧ରେ ମୁକ୍ତିଲାଭ କରିଥିବା ଫିଲ୍ମ ‘ସୌଗନ୍ଧ’ ଦ୍ବାରା ତାଙ୍କର କ୍ୟାରିଅର ଆରମ୍ଭ କରିଥିଲେ। ସେ ତାଙ୍କ କ୍ୟାରିଅର ଆରମ୍ଭ କରିବାର ୧୦ ବର୍ଷ ପରେ ଟ୍ୱିଙ୍କଲ୍ ଖାନ୍ନାଙ୍କୁ ବିବାହ କରିଥିଲେ। ତେବେ ଅକ୍ଷୟ ଏବଂ ଟ୍ୱିଙ୍କଲ୍ ବିବାହ କରିବା ପୂର୍ବରୁ ଅକ୍ଷୟଙ୍କ ଶାଶୁ ଡିମ୍ପଲ୍ କପାଡିଆ ଏକ ସର୍ତ୍ତ ରଖିଥିଲେ ଯାହା ପରେ ବିବାହ ହୋଇଥିଲା।

କିଛିଦିନ ପୂର୍ବେ ଅକ୍ଷୟ କୁମାର ଏବଂ ଟ୍ୱିଙ୍କଲ ଖାନ୍ନା କରଣ ଜୋହରଙ୍କ ଶୋ’ କଫି ୱିଥ୍ କରଣରେ ଅତିଥି ଭାବରେ ଆସିଥିଲେ। ସେହି ସମୟରେ ଟ୍ୱିଙ୍କଲ କହିଥିଲେ ଯେ ଯେତେବେଳେ ସେ ତାଙ୍କ ପିତା ରାଜେଶ ଖାନ୍ନାଙ୍କୁ କହିଥିଲେ ଯେ ସେ ଅକ୍ଷୟଙ୍କୁ ବିବାହ କରିବାକୁ ଚାହାଁନ୍ତି ଏହା ଉପରେ ବହୁତ ତଦନ୍ତ କରାଯାଇଥିଲା। ଅକ୍ଷୟ ଏପରିକି କହିଥିଲେ ଯେ ତାଙ୍କ ଶାଶୁ ତାଙ୍କୁ ‘ଗେ’ ବୋଲି ମାନୁଥିଲେ ଏବଂ ଏଥିପାଇଁ ସେ ଅକ୍ଷୟ-ଟ୍ୱିଙ୍କଲଙ୍କୁ ଲିଭ୍-ଇନ୍ ରିଲେସନସିପରେ ରହିବାକୁ କହିଥିଲେ।

ରାଜେଶ ଖାନ୍ନା ମଧ୍ୟ ଏଥିରେ ରାଜି ହୋଇଥିଲେ। ଡିମ୍ପଲ କପାଡିଆଙ୍କ ସର୍ତ୍ତ ଥିଲା ଯେ ଉଭୟ ଲିଭ୍-ଇନ୍ ରିଲେସନସିପରେ ରହିବେ। ଦୁଇ ବର୍ଷ ଏକାଠି ରହିବା ପରେ ମଧ୍ୟ ଯଦି ଉଭୟଙ୍କୁ ଲାଗୁଛି ଯେ ସେମାନଙ୍କୁ ବିବାହ କରିବା ଉଚିତ ତେବେ ସେମାନେ ବିବାହ କରିବେ। ଏହା ପରେ, ଅକ୍ଷୟ ଏବଂ ଟ୍ୱିଙ୍କଲ୍ ବିବାହ ପୂର୍ବରୁ ପ୍ରାୟ ୨ବର୍ଷ ପର୍ଯ୍ୟନ୍ତ ମୁମ୍ବାଇର ଏକ ଫ୍ଲାଟରେ ଏକାଠି ରହିଥିଲେ। ଏହା ପରେ ଟ୍ୱିଙ୍କଲ୍ ବିବାହ ପାଇଁ ହଁ କହିଥିଲେ ଏବଂ ଅକ୍ଷୟ ଏବଂ ଟ୍ୱିଙ୍କଲ୍ ୧୭ ଜାନୁଆରୀ ୨୦୦୧ ରେ ବିବାହ କରିଥିଲେ।