ଅକ୍ଷୟଙ୍କ ପରେ ଲୋକଙ୍କ ରାଡାରରେ ଶାହାରୁଖ ଓ ଅଜୟ ଦେବଗନ୍‌

ମୁମ୍ବାଇ: ଆଜିକାଲି ଗୋଟିଏ ଭୁଲ କରିବା ବଲିଉଡ ଷ୍ଟାରଙ୍କୁ ଭାରି ପଡ଼ୁଛି । ନିକଟରେ ପାନ ମସଲା ବିଜ୍ଞାପନରେ ନଜର ଆସିବା ଅକ୍ଷୟଙ୍କୁ ଖୁବ୍‌ ମହଙ୍ଗା ପଡ଼ିଥିଲା । ଲୋକେ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଲେ । ଅକ୍ଷୟଙ୍କ ପ୍ରଶଂସକ ମଧ୍ୟ ତାଙ୍କ ଉପରେ ନାରାଜ ହୋଇଗଲେ । ଶେଷରେ ବାଧ୍ୟ ହୋଇ କ୍ଷମା ମାଗିଲେ ଅକ୍ଷୟ ଏବଂ ପୁନର୍ବାର ଏଭଳି ଭୁଲ ହେବ ନାହିଁ ବୋଲି ମଧ୍ୟ ଆଶ୍ୱସନା ଦେଲେ । ଏବେ ଅକ୍ଷୟଙ୍କ ପରେ ଶାହାରୁଖ ଏବଂ ଅଜୟଙ୍କୁ ମଧ୍ୟ ଖୁବ୍‌ ଟ୍ରୋଲ କରାଯାଉଛି ।

Selling Nasha to Indian people nd it’s not Pan Masala everything we all know it’s all Gutka what they eat as Ajay Devgan teeth,.as Shahrukh Khan son or himself he says nd Akshay Kumar is not too far behind he can do anything for money pic.twitter.com/G6ZlCshbPG

— Rajesh Arora (@RajeshA89628242) April 20, 2022

ସୂଚନାଯୋଗ୍ୟ ନିକଟରେ ସାଉଥ୍‌ ସୁପରଷ୍ଟାର ଅଲ୍ଲୁ ଅର୍ଜୁନଙ୍କୁ ମଧ୍ୟ ପାନ ମସଲା ବିଜ୍ଞାପନର ଅଫର ଆସିଥିଲା । କିନ୍ତୁ ଫ୍ୟାନ୍ସଙ୍କ ପାଇଁ ସେ କୋଟି କୋଟି ଟଙ୍କାର ଏହି ଅଫରକୁ ଏଡ଼ାଇ ଦେଲେ । ଅନ୍ୟପଟେ ଅକ୍ଷୟ କୁମାର ମଧ୍ୟ କ୍ଷମା ମାଗିଲେ । ତେବେ ଏହି ବ୍ରାଣ୍ଡ୍‌ ସହିତ ବଲିଉଡର ବଡ଼ ବଡ଼ ନାଁ ଜଡ଼ିତ ଅଛି । ଯେପରିକି ଶାହାରୁଖ୍‌ ଖାନ୍‌ ଏବଂ ଅଜୟ ଦେବଗନ । ଲୋକ ଟ୍ରୋଲ କରି ଲେଖୁଛନ୍ତି ପଦ୍ମଶ୍ରୀ ପାଇଥିବା ତାରକା ପାନ ମସଲାର ବିଜ୍ଞାପନ କରୁଛନ୍ତି । ସାଉଥ୍‌ ସୁପରଷ୍ଟାରଙ୍କ ଠାରୁ ଏମାନଙ୍କୁ ମଧ୍ୟ ଶିଖିବାର ଅଛି ବୋଲି ଟ୍ରୋଲର୍ସ ଲେଖୁଛନ୍ତି । ଆଉ କିଛି ୟୁଜର୍ସ ଲେଖୁଛନ୍ତିଯେ, ଏହା ପାନ ମସଲା ନୁହେଁ ଗୁଟଖା । ଆପଣଙ୍କ ପ୍ରଶଂସକ ଆପଣଙ୍କୁ ଖୁବ୍‌ ପସନ୍ଦ କରୁଛନ୍ତି, ଦୟାକରି ଏଭଳି ମୋଟିଭେଟ୍‌ କରନ୍ତୁ ନାହିଁ ।