ଲକଡାଉନରେ ଫସି ରହିଛି ଅକ୍ଷୟଙ୍କ ୭ ଫିଲ୍ମ, ଖିଲାଡି ଷ୍ଟାରଙ୍କୁ ଝଟକା

ମୁମ୍ବାଇ: କରୋନା ସଙ୍କଟ ସମୟରେ ହନ୍ତସନ୍ତ ହେଉଛି ଧନଜୀବନ । ଏଭଳି ପରିସ୍ଥିତିରେ ଲୋକଙ୍କୁ ସାହାଯ୍ୟର ହାତ ବଢାଉଛନ୍ତି ବଲିଉଡ଼ର ଖିଲାଡ଼ି କୁମାର । ଯଦିଓ କରୋନା ପାଇଁ ତାଙ୍କୁ ହିଁ ଅଧିକ କ୍ଷତି ସହିବାକୁ ପଡ଼ିଛି  । କାରଣ ଅକ୍ଷୟ କୁମାରଙ୍କ ୭ଟି ବଡ଼ ଫିଲ୍ମ ଲକଡାଉନ କାରଣରୁ ଫସି ରହିଛି । ଏଭଳି ପରସ୍ଥିତିରେ ଯେଉଁଠି ବଡ଼ ବଡ଼ ଫିଲ୍ମଗୁଡ଼ିକୁ ଅନଲାଇନ ପ୍ଲାଟଫର୍ମକୁ ଛାଡ଼ିବାକୁ ବାଧ୍ୟ ହେଉଛନ୍ତି ନିର୍ମାତା ସେହିଭଳି ଅକ୍ଷୟଙ୍କ ପାଇଁ ଏହା ଏକ ବଡ଼ କ୍ଷତିରେ ପରିଣତ ହେବାକୁ ଯାଉଛି । ଏମଧ୍ୟରୁ ଗୋଟିଏ ଫିଲ୍ମ ସୂର୍ଯ୍ୟବଂଶୀ । ରୋହିତ ସେଠୀଙ୍କ ଏହି ଫିଲ୍ମ ମାର୍ଚ୍ଚରେ  ଆସିବାର ଥିଲା ଯାହା ଏବେ ରିଲିଜ ଠାରୁ ବହୁ ଦୂରରେ ଅଛି ।

କିୟାରା ଆଡଭାନୀ ଏବଂ ଅକ୍ଷୟ କୁମାରଙ୍କ ଏହି ଫିଲ୍ମ ପ୍ରଥମରୁ ଚର୍ଚ୍ଚାରେ ରହିଆସିଛି । ଏହି ଫିଲ୍ମରେ ଅକ୍ଷୟ ପୂରା ନୂଆ ଅବତାରରେ ଅଛନ୍ତି ।  ଫିଲ୍ମ ଏହାର କାହାଣୀ ପାଇଁ ଲୋକଙ୍କ ମଧ୍ୟରେ ଚର୍ଚ୍ଚାରେ ରହିଛି ।  ଏହି ଫିଲ୍ମକୁ ଅନଲାଇନ ପ୍ଲାଟଫର୍ମରେ ରିଲିଜ ହେବା ନେଇ ଚର୍ଚ୍ଚା ହେଉଛି ଯଦିଓ ଏପର୍ଯ୍ୟନ୍ତ ଏନେଇ କିଛି ସ୍ପଷ୍ଟ ହୋଇ ନାହିଁ ।

ଅକ୍ଷୟଙ୍କ ଏହି ଫିଲ୍ମ ଲକ୍ଷ୍ମୀବମ୍ ମଧ୍ୟ ଚଳିତ ବର୍ଷ ହିଁ ରିଲିଜ ହେବାର ଥିଲା । ସବୁ ଆଡ଼େ ଏହି ଫିଲ୍ମକୁ ନେଇ ଚର୍ଚ୍ଚା । ଏଥିରେ ଅକ୍ଷୟଙ୍କ ଲୁକ ମଧ୍ୟ ଜବରଦସ୍ତ ଅଛି । ନିର୍ମାତାମାନେ ଏହି ଫିଲ୍ମ ବର୍ଷ ଶେଷରେ ରିଲିଜ କରିବାକୁ ସ୍ଥିର କରିଥିଲେ । କିନ୍ତୁ ଏବେ କିଛି ବି କହିବା ଅସମ୍ଭବ ।

ମିସ ୱାର୍ଲଡ ମାନୁଷୀ ଛିଲ୍ଲର ଫିଲ୍ମ ପୃଥ୍ୱୀରାଜ୍ ଜରିଆରେ ଡେବ୍ୟୁ କରିବାର ଥିଲା । ନିଜେ ଅକ୍ଷୟ କୁମାର ଏହି ଐତିହାସିକ ଫିଲ୍ମର ଭାର ସମ୍ଭାଳିବାର ଯଥା ସମ୍ଭବ ଚେଷ୍ଟା କରୁଛନ୍ତି । ଏହି ଫିଲ୍ମ ମଧ୍ୟ ଅକ୍ଷୟ କୁମାରଙ୍କ ସବୁଠୁ ବଡ଼ ଫିଲ୍ମମାନଙ୍କ ମଧ୍ୟରୁ ଗୋଟେ । ଦିୱାଲିରେ ଏହି ଫିଲ୍ମକୁ ରିଲିଜ୍ କରିବାକୁ ପ୍ରସ୍ତୁତି ମଧ୍ୟ ହୋଇଛି । ଯଦିଓ ଏବେ ଏହାକୁ ନେଇ ମଧ୍ୟ ସମସ୍ୟା ଦେଖା ଦେଇଛି ।

ରାଞ୍ଝଣା ପରେ ଆନନ୍ଦ ଏଲ ରାୟ ଅତରଙ୍ଗିରେ ନାମକ ଏକ ରୋମାଣ୍ଟିକ ଫିଲ୍ମ ନେଇ ଆସୁଛନ୍ତି ।   ଫିଲ୍ମରେ ସାଉଥ୍ ଷ୍ଟାର ଧନୁସ ଏବଂ ବଲିଉଡ଼ ଖିଲାଡ଼ି କୁମାର ଏଥିରେ ନଜର ଆସିବାର ଥିଲା । କିନ୍ତୁ ଲକଡାଉନ କାରଣରୁ ଏହି ଫିଲ୍ମର ସୁଟିଂ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ସ୍ଥଗିତ ରଖାଯାଇଛି ।

ଅକ୍ଷୟ କୁମାରଙ୍କ ବଚନ ପାଣ୍ଡେ ଫିଲ୍ମ ମଧ୍ୟ ଚଳିତ ବର୍ଷର  ବଡ଼ ଫିଲ୍ମ ମଧ୍ୟରୁ ଗୋଟିଏ । ଏହି ଫିଲ୍ମରେ ଅକ୍ଷୟଙ୍କ ଲୁକ ଦେଖିଲା ପରେ ହିଁ ଲୋକେ ଏହି ଫିଲ୍ମ ଦେଖିବାକୁ ବ୍ୟାକୁଳ ଅଛନ୍ତି । ନିର୍ମାତାମାନେ ମଧ୍ୟ ଏହି ଫିଲ୍ମକୁ ମାର୍ଚ୍ଚମାସରେ ହିଁ ରିଲଜ କରିବାକୁ ଚାହୁଁଥିଲେ । କିନ୍ତୁ ଲକଡ଼ାଉନ ପାଇଁ ଇଏ ବି ବନ୍ଦ ।

ଏକତା କପୁରଙ୍କର ଏକ ଆକ୍ସନ କମେଡ଼ି ଫିଲ୍ମ ମଧ୍ୟ ଏହି ଲିଷ୍ଟରେ ସାମିଲ ହୋଇଛି । ଯଦିଓ ଫିଲ୍ମର ନାଁ ଏପର୍ଯ୍ୟନ୍ତ ଦିଆଯାଇନାହିଁ କିନ୍ତୁ ଏହା ସାଉଥ ଫିଲ୍ମର ରିମେକ ହେବ । କିନ୍ତୁ ଏଭଳି ପରିସ୍ଥିତିରେ ଏହି ଫିଲ୍ମକୁ ସୁଯୋଗ ମିଳିବ କି ନାହିଁ ତାହା ମଧ୍ୟ ଜଣାନାହିଁ ।