‘ଚିଲମଜୀବୀ’ କହିଲେ ଅଖିଳେଶ, ସନ୍ଥ ସମାଜ ଆଣିଲା ବଡ଼ ଅଭିଯୋଗ
ଚିଲମଜୀବୀ କହି ଫସିଲେ ଅଖିଳେଶ ଯାଦବ । ସାଧୁ ସମାଜଙ୍କୁ ଚିଲବଜୀବୀ ବୋଲି କହିଛନ୍ତି ସମାଜବାଜୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ । ଯାହା ତାଙ୍କୁ ବିବାଦ ଘେରକୁ ଟାଣି ଆଣିଛି । ଏମିତିକି ବିଜେପିକୁ ନିଶାନା କରିବାକୁ ଯାଇ ବିବାଦରେ ଏବେ ଅଖିଳେଶ ଯାଦବ । ଉତ୍ତରପ୍ରଦେଶର ଏକ ରାଜନୈତିକ କାର୍ଯ୍ୟକ୍ରମରେ ଯୋଗଦେବାକୁ ଯାଇ ଏଭଳି ବିବାଦୀୟ ବୟାନ ଦେଇଛନ୍ତି ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ।
ଅଖିଳଙ୍କ ଏପରି ବୟାନରେ ଖପ୍ପା ଅଖିଳ ଭାରତୀୟ ସନ୍ଥ ସମିତି । ରାଜନୀତି ପାଇଁ ସାଧୁ ସମାଜଙ୍କୁ ଅପବାଦ କରୁଛନ୍ତି । ତେଣୁ ତାଙ୍କୁ ସନ୍ଥ ସମାଜ ଆଗରେ କ୍ଷମା ପ୍ରାର୍ଥନା କରିବାକୁ ପଡ଼ିବ ବୋଲି କହିଛି ଅଖିଳ ଭାରତୀୟ ସନ୍ଥ ସମିତି । ସେପଟେ ଅଖିଳେଶଙ୍କ ନାଁରେ ମାମଲା ମଧ୍ଯ ଦାୟର କରାଯାଇଛି ।
ଅଖିଳ ଭାରତୀୟ ସଂନ୍ଥ ସମିତିର ରାଷ୍ଟ୍ରୀୟ ମହାମନ୍ତ୍ରୀ ସ୍ୱାମୀ ଜିତେନ୍ଦ୍ରନନ୍ଦ ସରସ୍ୱତୀ କହିଛନ୍ତି, ଅଖିଳେଶ ଯାଦବ ସର୍ବଦା ଉତକ୍ଷୀପ୍ତ ବୟାନବାଜି କରୁଛନ୍ତି । ସନ୍ଥ ସମାଜ ଏବଂ ଭଗୱାଧାରୀ ବ୍ୟକ୍ତିଙ୍କୁ ହିଁ ସେ ରାଜନୀତି ପାଇଁ ନିନ୍ଦିତ କରୁଛନ୍ତି । ତେଣୁ ଅଖିଳେଶଙ୍କୁ ସତର୍କ କରାଇଦେବାକୁ ଚାହୁଁକି, ଏପରି ବାର୍ତ୍ତାରୁ ନିର୍ବୃତ୍ତ ରୁହନ୍ତୁ ଅଖିଳେଶ । ନଚେତ ଆଗାମୀ ଦିନରେ ଜନ ଆକ୍ରୋଶର ଶିକାର ହେବାକୁ ପଡ଼ିବ ବୋଲି କହିଛନ୍ତି ଜିତେନ୍ଦ୍ରନନ୍ଦ ସରସ୍ୱତୀ ।
