SDJM କୋର୍ଟରେ ହାଜର ହେଲେ ଆକାଶ ପାଠକ୍
ଭୁବନେଶ୍ୱର: ଭିଜିଲାନ୍ସ ଦ୍ୱାରା ଗିରଫ ହୋଇଥିବା ଆକାଶ ପାଠକ୍ଙ୍କୁ ସୋମବାର ଭୁବନେଶ୍ୱର ଏସଡିଜେଏମ୍ କୋର୍ଟରେ ହାଜର କରାଯାଇଛି । କଡ଼ା ସୁରକ୍ଷା ବଳୟ ମଧ୍ୟରେ ତାଙ୍କୁ କୋର୍ଟଙ୍କୁ ଅଣାଯାଇଥିଲା । ସାଇବର ସେଲ୍ରେ ହୋଇଥିବା ମାମଲାରେ କ୍ରାଇମ୍ବ୍ରାଞ୍ଚ ତାଙ୍କୁ ହାଜର କରିଛି । ସାଇବର ସେଲ୍ରେ ହୋଇଥିବା ମାମଲାର କେସ ନମ୍ବର ୨୬/୨୦୨୦ର ଶୁଣାଣି ପାଇଁ ତାଙ୍କୁ ହାଜର କରାଯାଇଛି । କ୍ରାଇମବ୍ରାଞ୍ଚରେ ଆକାଶଙ୍କ ନାଁରେ ଜାଲିଆତି, ଠକେଇ ଭଳି ସଙ୍ଗୀନ ମାମଲା ରହିଛି । ଏନେଇ କୋର୍ଟଙ୍କୁ କ୍ରାଇମବ୍ରାଞ୍ଚ ପକ୍ଷରୁ ସୂଚନା ଦିଆଯାଇଛି । ହେଲେ ଆକାଶ ପାଠକ କହିଛନ୍ତି, ତାଙ୍କ ନାଁରେ କେଉଁ ମାମଲାସବୁ ଲାଗିଛି ସେ ଜାଣିପାରୁନାହାନ୍ତି ।
ସୁଚନାଯୋଗ୍ୟ, ଆୟ ବହିର୍ଭୂତ ସମ୍ପତ୍ତିଠୁଳ ଅଭିଯୋଗରେ ଆଇଏଫ୍ଏସ୍ ଅଫିସର୍ ଅଭୟକାନ୍ତ ପାଠକଙ୍କୁ ଗିରଫ କରିବା ପରେ ତାଙ୍କ ପୁଅ ଆକାଶ ପାଠକକୁ ଭିଜିଲାନ୍ସ ଗିରଫ କରିଥିଲା । ଉଭୟଙ୍କୁ ଝାରପଡ଼ା ଜେଲ୍ରେ ରଖାଯାଇଛି । ଟାଟା କମ୍ପାନୀର ଏମ୍ଡି ବୋଲି ପରିଚୟ ଦେଇ ଆକାଶ ଲୋକଙ୍କୁ ଠକୁଥିଲେ ଆକାଶ । ଚାକିରି ଦେବା ନାଁରେ ଲୋକଙ୍କଠାରୁ ଲକ୍ଷ ଲକ୍ଷ ଟଙ୍କା ଲୁଟ୍ କରୁଥିଲେ । ଏଥିରେ ତାଙ୍କୁ ଭାବି ଶ୍ୱଶୁର ବିଧାୟକ ପ୍ରଦୀପ ପାଣିଗ୍ରାହୀ ସହଯୋଗ କରୁଥିଲେ ବୋଲି ମଧ୍ୟ ଅଭିଯୋଗ ରହିଛି ।
