କଣ ଥିଲା କେବିସି ୧୧ରେ ୭ କୋଟି ଟଙ୍କାର ପ୍ରଶ୍ନ ? ଯାହାର ଉତ୍ତର ଦେଇ ପାରିଲେନି ଅଜିତ୍ କୁମାର

ମୁମ୍ବାଇ: ଚର୍ଚ୍ଚିତ ଟେଲିଭିଜିନ୍ ସୋ କୌନ ବନେଗା କରୋଡ଼ପତି(କେବିସି)ର ୧୧ତମ ସଂସ୍କରଣର ଚତୁର୍ଥ କୋଟିପତି । ପ୍ରଶ୍ନ ଥିଲା ୭ କୋଟିର ନେଇକି ଗଲେ ମାତ୍ର କୋଟିଏ । ଏମିତି କଣ ହେଲା କାହିଁକି ଅଜିତ୍ କୁମାର ୭ କୋଟି ଟଙ୍କା ହାତଛଡ଼ା କଲେ ? ସେ କଥା ତ କହିବୁ । ପ୍ରଥମେ ଆସନ୍ତୁ ଜାଣିବା ଅଜିତଙ୍କ ବିଷୟରେ ଓ କେବିସିରେ ତାଙ୍କୁ ପଚରା ଯାଇଥିବା ପ୍ରଶ୍ନ ବାବଦରେ ।

ଭାରତୀୟ ରେଳରେ ଜେଲ ସୁପରିଟେଣ୍ଡଣ୍ଟ ଭାବେ ଚାକିରି କରନ୍ତି ବିହାରର ଅଜିତ୍ କୁମାର । କେବିସିର ୧୧ତମ ସଂସ୍କରଣରେ ହଟ୍ ସିଟରେ ବସି ବିଗ୍ ବି ଅମିତାଭଙ୍କ ଗୋଟିଏ ପରେ ଗୋଟିଏ ପ୍ରଶ୍ନର ଉତ୍ତର ଦେଉଥିଲେ ଅଜିତ୍ । ଅଜିତଙ୍କ ଧୈର୍ଯ୍ୟ ଓ ଦୃଢ଼ ବିଶ୍ୱାସକୁ ବିଗ୍ ବି ତାରିଫ୍ କରିଛନ୍ତି ।

କୋଟିଏ ଟଙ୍କାର ପ୍ରଶ୍ନ

କେଉଁ ପ୍ରଥମ ବ୍ରିଟିଶ୍ ସାଟେଲାଇଟ୍ ସଫଳତାର ସହ ବ୍ରିଟିଶ ରକେଟ ଦ୍ୱାରା ଲଞ୍ଚ ହୋଇଥିଲା ? ଅଜିତଙ୍କ ପାଖରେ ସମ୍ଭାବ୍ୟ ଉତ୍ତର ଥିଲା (କ) ଆରିଏଲ, (ଖ) ପ୍ରୋସ୍ପେରୋ, (ଗ) ମିରାଣ୍ଡା ଓ (ଘ) ଜିରକନ୍ । ଯାହାର ସଠିକ୍ ଉତ୍ତର ପ୍ରୋସ୍ପେରୋ ଦେଇ ଅଜିତ୍ ଏକ କୋଟି ଟଙ୍କା ଜିତିଥିଲେ । ଏହି ଉତ୍ତର ଦେବା ପାଇଁ ଅଜିତ୍ ୫୦-୫୦ ଲାଇଫ ଲାଇନ୍ ବ୍ୟବହାର କରିଥିଲେ ।

୭ କୋଟିର ପ୍ରଶ୍ନ

ତାପରେ ଆରମ୍ଭ ହୋଇଥିଲା ଅଜିତଙ୍କ ପାଇଁ ପରୀକ୍ଷାର ବେଳ । ସାମନାରେ ବିଗ୍ ବିଙ୍କ ୭ କୋଟିର ପ୍ରଶ୍ନ । କେଉଁ ପ୍ରଥମ କ୍ରିକେଟର ଟି-ଟ୍ୱେଣ୍ଟିରେ ଗୋଟିଏ ଦିନରେ ୨ଟି ମ୍ୟାଚରେ ୨ଟି ଅର୍ଦ୍ଧଶତକ କରିଛନ୍ତି । ସମ୍ଭାବ୍ୟ ଉତ୍ତର (କ) ନାୱରାଜ ମଙ୍ଗଲ, (ଖ) ମହମ୍ମଦ ହାଫିଜ୍, (ଗ) ମହମ୍ମଦ ସାହଜାଦ ଓ (ଘ) ସକିବ ଅଲ୍ ହାସନ । ତେବେ, ସଠିକ୍ ଉତ୍ତର ଜାଣିନଥିବା ଓ ଲାଇଫ ଲାଇନ୍ ନଥିବାରୁ ଅଜିତ୍ ଏଇଠୁ ଗେମରୁ ଓହରିବାକୁ ନିଷ୍ପତ୍ତି ନେଇଥିଲେ । ତଥାପି ପ୍ରଶ୍ନର ଉତ୍ତର ରଖିବାକୁ ବିଗ୍ ବି କହିଥିଲେ । ଅଜିତଙ୍କ ଉତ୍ତର ଭୁଲ୍ ଥିଲା । ଗୋଟିଏ କୋଟି ଟଙ୍କା ଜିତି ଅଜିତଙ୍କ ପରିବାର ବେଶ୍ ଖୁସି ଜଣାପଡ଼ୁଥିଲେ । ଏଥିସହ କେବିସିର ୧୧ ତମ ସଂସ୍କରଣରେ ଚତୁର୍ଥ କୋଟିପତି ହୋଇଛନ୍ତି ଅଜିତ୍ । ବିଗ୍ ବି ଅମିତାଭ ଅଜିତଙ୍କୁ ଶୁଭେଚ୍ଛା ଜଣାଇଛନ୍ତି । ')}