ଅଜୟ ଦେବଗନଙ୍କ ’ସିଙ୍ଘମ ଏଗେନ୍’ର ବକ୍ସ ଅଫିସରେ ରେକର୍ଡ! ଜାଣନ୍ତୁ ୧୦ ଦିନରେ କଲାଣି କେତେ ରୋଜଗାର

ନନ୍ଦିଘୋଷ ବ୍ୟୁରୋ: ଦିଓ୍ବାଲୀ ଅବସରରେ ବଲିଉଡର ଦୁଇ ଫିଲ୍ମ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି । ଅଜୟ ଦେବଗନଙ୍କ ଅଭିନୀତ ଫିଲ୍ମ ସିଙ୍ଘମ ଏଗେନ୍ ଏବଂ କାର୍ତ୍ତିକ ଆର୍ଯ୍ୟନଙ୍କ ଭୁଲ୍ ଭୁଲେୟା ୩ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି । ତେବେ ଏହି ଦୁଇ ଫିଲ୍ମ ବ୍ସ ଅଫିସରେ ଭଲ ରୋଜଗାର କରୁଥିବାବେଳେ ମଲ୍ଟିଷ୍ଟାର ଖଚିତ ସିଙ୍ଘମ ଏଗେନ୍ ଏବେ ରେକର୍ଡ ଅଭିମୁଖେ । ୧୦ ଦିନରେ ଏହି ଫିଲ୍ମ  ୧୯୩.୪୭ କୋଟି ଟଙ୍କା ଆଦାୟ କରିଥିବା ରିପୋର୍ଟରେ ପ୍ରକାଶ ପାଇଛି । ୨୦୦ କୋଟି ଅଭିମୁଖେ ଯାଉଥିବା ଏହି ଫିଲ୍ମଟି ଆଗାମୀ ଦିନରେ ଆହୁରି ଅଧିକ ରୋଜଗାର କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଲକ୍ଷ୍ୟ ରଖାଯାଇଛି । ସିଙ୍ଘମ ଏଗେନର ବଜେଟ ୩୫୦ କୋଟି ଟଙ୍କା ହୋଇଥିବାବେଳେ ବିଶ୍ବବ୍ୟାପି କଲେକ୍ସନ ଶେଷ ଖବର ସୁଦ୍ଧା ୨୯୫ କୋଟି ଟଙ୍କା ଆଦାୟ କରିସାରିଛି । ରୋହିତ ସେଟ୍ଟୀଙ୍କ ନିର୍ଦ୍ଦେଶିତ ଏହି ଫିଲ୍ମ ବିଗ ବଜେଟରେ ନିର୍ମାଣ ହୋଇଥିବାବେଳେ ଦିପାବଳୀ ସମୟରେ ରିଲିଜ ହୋଇଥିଲା । ମାତ୍ର ଭୁଲ ଭୁଲେୟା ୩ ରିଲିଜ ହେବା ପରେ ଏହା ଉପରେ ପ୍ରଭାବ ପକାଇଛି ବୋଲି ସିନେ ସମୀକ୍ଷକମାନେ ମତ ଦେଇଛନ୍ତି । ତେବେ ଭୁଲ ଭୁଲେୟ ୩ ମଧ୍ୟ ଏବେ ଭଲ ରୋଜଗାର କରୁଛି । ଏହି ଫିଲ୍ମ ମଧ୍ୟ ଦର୍ଶକଙ୍କ ମହଲରେ ବେଶ ଆଦୃତ ହୋଇଛି ।