ଅଜୟ ଦେବଗନଙ୍କ ଭାଇ ଅନିଲ ଦେବଗନଙ୍କ ପରଲୋକ

ନୂଆଦିଲ୍ଲୀ: ବଲିଉଡ ଅଭିନେତା ଅଜୟ ଦେବଗନଙ୍କ ଭାଇଙ୍କ ମୃତ୍ୟୁ ଘଟିଛି । ଅଭିନେତାଙ୍କ ଭାଇ ଅନିଲ ଦେବଗନଙ୍କ ହୃଦଘାତରେ ମୃତ୍ୟୁ ହୋଇଥିବା ସୂଚନା ମିଳିଛି । ଅଜୟ ଦେବଗନ ସୋସିଆଲ ମିଡିଆରେ ଏକ ଦୁଃଖଦ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି ।

I lost my brother Anil Devgan last night. His untimely demise has left our family heartbroken. ADFF & I will miss his presence dearly. Pray for his soul. Due to the pandemic, we will not have a personal prayer meet? pic.twitter.com/9tti0GX25S

— Ajay Devgn (@ajaydevgn) October 6, 2020

ଅଜୟ ଦେବଗନ ନିଜ ଭାଇ ଅନିଲ ଦେବଗନଙ୍କ ଏକ ଫଟୋ ସେୟାର କରି ତାଙ୍କ ମୃତ୍ୟୁ ବିଷୟରେ ସୂଚାଇଛନ୍ତି । ସେ ଲେଖିଛନ୍ତି ଯେ, ‘କାଲି ରାତିରେ ମୁଁ ମୋ ଭାଇଙ୍କୁ ହରାଇଛି । ହଠାତ ତାଙ୍କ ମୃତ୍ୟୁରେ ପୁରା ପରିବାର ସ୍ତବ୍ଧ । ଖାସ କରି ମୁଁ ତାଙ୍କ ଅନୁପସ୍ଥିତିକୁ ଖୁବ ମିସ୍ କରିବି । ତାଙ୍କ ଆତ୍ମାର ସଦଗତି ପାଇଁ ପ୍ରାର୍ଥନା କରନ୍ତୁ । କୋଭିଡ ମହାମାରୀ ହେତୁ ଆମେ ବ୍ୟକ୍ତିଗତ ପ୍ରାର୍ଥନା ସଭା ରଖୁନାହୁଁ ।’

ସନ ଅଫ୍ ସରଦାରରେ ଥିଲେ କ୍ରିଏଟିଭ ଡାଇରେକ୍ଟର

ସୂଚନା ଅନୁଯାୟୀ ଅନିଲ ଦେବଗନ ଅଜୟ ଦେବଗନଙ୍କ ଦାଦାଙ୍କ ପୁଅ ଥିଲେ । ସେ ଜଣେ ଚଳଚିତ୍ର ନିର୍ଦ୍ଦେଶକ ଥିଲେ । ସେ ଅନେକ ଚଳଚିତ୍ରରେ ନିର୍ଦ୍ଦେଶକ ଏବଂ ସହ- ନିର୍ଦ୍ଦେଶକ ଭାବେ କାମ କରିଛନ୍ତି । ଏହା ବ୍ୟତୀତ ସେ ଚଳଚିତ୍ର ସନ ଅଫ ସରଦାରରେ କ୍ରିଏଟିଭ ଡାଇରେକ୍ଟର ଭାବେ ନଜର ଆସିଥିଲେ । ଏହା ସହିତ ଜୀତ୍, ଜାନ୍, ଇତିହାସ, ପ୍ୟାର ତୋ ହୋନା ହି ଥା, ଏବଂ ହିନ୍ଦୁସ୍ତାନ କି କସମ ଭଳି ଚଳଚିତ୍ରରେ ସହ ନିର୍ଦ୍ଦେଶକ ଭାବେ କାମ କରିଥିଲେ । ସେ ଅଧିକାଂଶ ଫିଲ୍ମ ନିଜ ଭାଇ ଅଜୟ ଦେବଗନଙ୍କ ସହ ହିଁ କରିଥିଲେ ।