ଭୁବନେଶ୍ୱର: ସର୍କସ ଦେଖୁଥିବା ଦର୍ଶକଙ୍କ ପାଇଁ ଖୁସି ଖବର । ଆଜିଠାରୁ ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଆରମ୍ଭ ହେବାକୁ ଯାଉଛି ଅଜନ୍ତା ସର୍କସ। ଚଳିତ ବର୍ଷ ଏହି ଅଜନ୍ତା ସର୍କସରେ ରୋପ ସର୍କସ, ଗ୍ଲୋଗ ବାଇକ୍ , ଇଥୋପୀୟାନ କଳାକାରଙ୍କ ଦ୍ଵାରା ସ୍ଵତନ୍ତ୍ର ସର୍କସ, ରୁଷିଆନ ଗେମ୍ ସହ ଅନେକ ଚିତ୍ତାକର୍ଷକ ସୋ ଦେଖିବେ ଦର୍ଶକ। ଏହାସହ ଦର୍ଶକଙ୍କ ହସେଇ ହସେଇ ମତୁଆଲା କରିବେ ଜୋକର।
ଆଜି ସନ୍ଧ୍ୟା ୭ଟା ୩୦ରେ ପ୍ରଥମ ସୋ ଅନୁଷ୍ଠିତ ହେବ। ରବିବାର ଦିନ ଠାରୁ ଏକ ମାସ ପର୍ଯ୍ୟନ୍ତ ଅର୍ଥାତ ରଜ ପର୍ଯ୍ୟନ୍ତ ଏହି ଅଜନ୍ତା ସର୍କସ ଦେଖିପାରିବେ ରାଜଧାନୀବାସୀ। ପ୍ରତ୍ୟେକ ଦିନ ୩ଟି ସୋ ଅନୁଷ୍ଠିତ ହେବ। ପ୍ରତ୍ୟେକ ସୋର ସମୟ ଦୁଇ ଘଣ୍ଟା ରଖାଯାଇଛି। ଦିନ ୩ ଟାରେ ପ୍ରଥମ ସୋ, ସଂଧ୍ୟା ୫ଟା ୩୦ରେ ଦ୍ବିତୀୟ ଓ ରାତି ୮ଟାରେ ତୃତୀୟ ସୋ ହେବା ନେଇ ସୂଚନା ଦେଇଛନ୍ତି ଅଜନ୍ତା ସର୍କସର ମ୍ୟାନେଜର।
