ପାହାଡରେ ପିଟିହେଲା ବୋଇଂ-୭୩୭, ବିମାନରେ ଥିଲେ ୧୩୩ ଯାତ୍ରୀ

ଗ୍ୱାନସି: ଚୀନରେ ବଡ଼ ଧରଣର ବିମାନ ଦୁର୍ଘଟଣା ହୋଇଥିବା ସାମ୍ନାକୁ ଆସିଛି । ସେଠାରେ ବୋଇଂ-୭୩୭ ବିମାନଟି କ୍ରାସ ହୋଇଛି । ବିମାନରେ ପାଖାପାଖି ୧୩୩ ଯାତ୍ରୀ ଥିବା ସୂଚନା ମିଳିଛି । ବର୍ତ୍ତମାନ ସୁଧା ମୃତାହତ ନେଇ କୌଣସି ସୂଚନା ମିଳିପାରିନାହିଁ । କୁନମିଙ୍ଗରୁ ଗ୍ୱାଙ୍ଗଝୋ ଯାଉଥିବା ବେଳେ ଗ୍ୱାନସିଠାରେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି । ଯଦିଓ ଦୁର୍ଘଟଣାର କାରଣ ଜଣାପଡ଼ିନାହିଁ ।

ତେବେ ସିସିଟିଭିରେ କଏଦ ହୋଇଛି ବିମାନ ଦୁର୍ଘଟଣାର ସମସ୍ତ ଦୃଶ୍ୟ ।  ସିସିଟିଭିରେ ସ୍ପଷ୍ଟ ଦେଖାଯାଉଛି ଯେ, ଗ୍ୱାନସି ଅଞ୍ଚଳର ବୁଝୋଓ ସହର ପାଖରେ ଦୁର୍ଘଟଣା ଶୀକାର ହୋଇଥିଲା ବିମାନ । ପାହାଡ଼ ମଝିରେ ହିଁ ବିମାନରେ ନିଆଁ ଲାଗିଯାଇଥିଲା । ଉଦ୍ଧାରକାରୀ ଦଳ ଘଟଣାସ୍ଥଳକୁ ପଠାଯାଇଛି ।