ଦିଲ୍ଲୀରେ ବାୟୁ ପ୍ରଦୂଷଣ: ସମସ୍ତ ନିର୍ମାଣ ଓ ଉଚ୍ଛେଦ କାର୍ଯ୍ୟ ବନ୍ଦ

ଦିଲ୍ଲୀ: ରାଜଧାନୀ ଦିଲ୍ଲୀରେ ବଢି ଚାଲିଛି ବାୟୁ ପ୍ରଦୂଷଣ । ଦିଲ୍ଲୀର ଏୟାର କ୍ବାଲିଟି ଇଣ୍ଡେକ୍ସ ଅତି ଖରାପ ସ୍ତରରେ ପହଞ୍ଚିଛି । ଆଜି ସକାଳୁ ଦିଲ୍ଲୀର AQI ୩୪୨ ରେକର୍ଡ ହୋଇଛି । ମୁଣ୍ଡକାରେ ପ୍ରଦୂଷଣ ସ୍ତର ୩୯୨ ରହିଥିବା ବେଳେ ଆନନ୍ଦ ବିହାରରେ ୪୬୯, ଓ୍ବାଜିରପୁରରେ AQI 417 ରେକର୍ଡ ହୋଇଛି ।

ପ୍ରଦୂଷଣ ମାତ୍ରାକୁ ଦୃଷ୍ଟିରେ ରଖି ରାଜଧାନୀରେ ବ୍ୟାପକ କଟକଣା ଲଗାଯାଇଛି । ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଦିଲ୍ଲୀରେ ନିର୍ମାଣ ଓ ଉଚ୍ଛେଦ କାର୍ଯ୍ୟ ବନ୍ଦ ରଖାଯାଇଛି । ଦିଲ୍ଲୀ ଏନସିଆରରେ GRAP ବା ଗ୍ରେଡେଡ ରେସପନ୍ସ ଆକ୍ସ ପ୍ଲାନର ଷ୍ଟେଜ୍ ୩ କଟକଣା ଲାଗୁ କରାଯାଇଛି । ଇଟାଭାଟି ଓ ମାଇନିଂ କାର୍ଯ୍ୟ ଉପରେ କଟକଣା ଲଗାଇଛି ପ୍ରଶାସନ । ଦିଲ୍ଲୀ ଆଖପାଖରେ ବ୍ୟାପକ ନଡ଼ା ଜଳା ହେଉଥିବାରୁ ପ୍ରଦୂଷଣ ମାତ୍ରା ଭୟଙ୍କର ହୋଇଛି ବୋଲି କୁହାଯାଉଛି ।