ବାୟୁ ପ୍ରଦୂଷଣରେ ଏକ ବର୍ଷରେ ୩ ଲକ୍ଷ ଲୋକଙ୍କ ମୃତ୍ୟୁ: ୟୁରୋପ ପର୍ଯ୍ୟାବରଣ ଏଜେନ୍ସି

ନୂଆଦିଲ୍ଲୀ: ବାୟୁ ପ୍ରଦୂଷଣ ଏବେ ଖାଲି ଭାରତ ପାଇଁ ନୁହେଁ ବିଶ୍ବର ଅନେକ ଦେଶ ପାଇଁ ଚିନ୍ତାର କାରଣ ପାଲଟିଛି । ବାୟୁ ପ୍ରଦୂଷଣ ମାତ୍ରାକୁ କିପରି କମ୍ କରାଯାଇପାରିବ ସେଥିପାଇଁ ଭାରତ ସହ ଦୁନିଆର ଅନେକ ଦେଶ ଚେଷ୍ଟା କରୁଛନ୍ତି । ତେବେ ଏହି ସମୟରେ ୟୁରୋପୀୟ ପର୍ଯ୍ୟାବରଣ ଏଜେନ୍ସି କହିଛି କି ସୂକ୍ଷ୍ମ କଣିକା ବାୟୁ ପ୍ରଦୂଷଣ ହେତୁ ଅକାଳ ମୃତ୍ୟୁ ୟୁରୋପରେ ପ୍ରାୟ ୧୦ ପ୍ରତିଶତ ହ୍ରାସ ପାଇଛି । କିନ୍ତୁ ଏବେ ବି ୩ ଲକ୍ଷ ୭ ହଜାର ଲୋକଙ୍କ ମୃତ୍ୟୁ ପାଇଁ ଦାୟୀ ବାୟୁ ପ୍ରଦୂଷଣ । ଜାତିସଂଘ ଅନୁଯାୟୀ ବାୟୁ ପ୍ରଦୂଷଣ ସାରା ବିଶ୍ବରେ ୭୦ ଲକ୍ଷ ଅକଳ ମୃତ୍ୟୁ ପାଇଁ ଦାୟୀ ହୋଇଥାଏ ।

ୟୁରୋପୀୟ ପର୍ଯ୍ୟାବରଣ ଏଜେନ୍ସୀର ରିପୋର୍ଟ ଅନୁସାରେ ଯଦି ବିଶ୍ବ ସ୍ବାସ୍ଥ୍ୟ ସଂଗଠନ ବାୟୁ ଗୁଣବତ୍ତା ନିୟମକୁ ୟୁରୋପୀୟ ସଂଘର ସଦସ୍ୟଙ୍କ ଦ୍ବାରା ପାଳନ କରାଯାଏ ତେବେ ୨୦୧୯ ମସିହାରେ ବାୟୁ ପ୍ରଦୂଷଣ କାରଣରୁ ହୋଇଥିବା ମୃତ୍ୟୁ ସଂଖ୍ୟା ଅଧା ହୋଇଯିବ । ଏକ ରିପୋର୍ଟ ଅନୁସାରେ ୧୯୯୦ ଦଶକର ପ୍ରାରମ୍ଭରେ ବାୟୁରୁ ସୂକ୍ଷ୍ମ କଣା ଯାହା ଫୁସଫୁସରେ ପ୍ରବେଶ କରିଥିଲା, ସେଥିପାଇଁ ୨୭ଟି ୟୁରୋପୀୟ ଦେଶରେ ଏକ ଲକ୍ଷ ଲୋକଙ୍କ ମୃତ୍ୟୁର କାରଣ ହୋଇଥିଲା ।

୨୦୧୯ ଫାଇନ ପାର୍ଟିକୁଲେଟ ମିଟରର ରିପୋର୍ଟ ଅନୁସାରେ ବାୟୁରେ ସୂକ୍ଷ୍ମ କଣା କାରଣରୁ ଜର୍ମାନୀରେ ୫୩ ହଜାର ୮୦୦, ଇଟଲୀରେ ୪୯ ହଜାରା ୯୦୦, ଫ୍ରାନ୍ସରେ ୨୯ ହଜାର ୮୦୦ ଏବଂ ସ୍ପେନରେ ୨୩ ହଜାର ୩୦୦ ଲୋକଙ୍କ ଅକାଳରେ ମୃତ୍ୟୁ ହେଉଛି । ସେହିପରି ଭାବରେ ପୋଲାଣ୍ଡରେ ୩୯ ହଜାର ୩୦୦ ଲୋକଙ୍କ ମୃତ୍ୟୁ ହେଉଛି । ରିପୋର୍ଟ ଅନୁଯାୟୀ ନାଇଟ୍ରୋଜେନ ଡାଇଅକ୍ସାଇଡରେ ହେଉଥିବା ମୃତ୍ୟୁ ସାଧାରଣତଃ କାର, ଟ୍ରକ, ତାପଜ ବିଦ୍ୟୁତ କେନ୍ଦ୍ରରୁ ମୃତ୍ୟୁ ଏକ ଚତୁର୍ଥାଂଶ ୪୦ ହଜାର ପର୍ଯ୍ୟନ୍ତ କମି ଯାଇଛି । ୨୦୧୯ରେ ଓଜୋନ ସମ୍ବନ୍ଧୀୟ ମୃତ୍ୟୁ ୧୩ ପ୍ରତିଶତ କମିଯାଇଛି । ଏହି ଏଜେନ୍ସି କହିଛି କି ବାୟୁ ପ୍ରଦୂଷଣ ୟୁରୋପ ମାନବ ସ୍ବାସ୍ଥ୍ୟ ପାଇଁ ସବୁଠାରୁ ବଡ଼ ବିପଦ ।

ସୂଚନା ଅନୁସାରେ ବାୟୁ ପ୍ରଦୂଷଣରେ ହୃଦରୋଗ, ଷ୍ଟ୍ରୋକ ଏବଂ କର୍କଟ ସମେତ ଫୁସଫୁସ ରୋଗରେ ସମୟ ପୂର୍ବରୁ ମୃତ୍ୟୁ ବରଣ କରୁଛନ୍ତି । ବାୟୁ ପ୍ରଦୂଷଣ ଫଳରେ ପିଲାମାନଙ୍କର ଫୁସଫୁସ ବିକାଶରେ ବାଧା ହୋଇପାରେ ଏବଂ ଶାସ୍ବକ୍ରିୟା ଓ ଆସ୍ଥମା ବୃଦ୍ଧି ହୋଇପାରେ । ତେବେ ବାୟୁ ପ୍ରଦୂଷଣର ସ୍ଥିତି ଏବେ ସୁଧାର ଆସିଛି । କିନ୍ତୁ ସ୍ଥିତି ଏବେବି ଚିନ୍ତାଜନକ ରହିଛି । ୟୁରେପୀୟ ସଂଘ ବାୟୁ ପ୍ରଦୂଷଣ ଫଳରେ ହେଉଥିବା ମୃତ୍ୟୁ ୨୦୦୫ ତୁଳନାରେ ୨୦୩୦ରେ ୫୫ ପ୍ରତିଶତ କମ୍ କରିବ ପାଇଁ ଚେଷ୍ଟା କରୁଛି । ତେବେ ବର୍ତ୍ତମାନ ସ୍ଥିତିରେ ଯେଉଁଭଳି ଭାବରେ ବାୟୁ ପ୍ରଦୂଷଣ କମୁଛି ଯଦି ସେହିପରି ଭାବରେ କମେ ତେବେ ୨୦୩୨ ସୁଦ୍ଧା ଆମେ ଆମ ଲକ୍ଷ୍ୟରେ ପହଞ୍ଚିପାରିବୁ ବୋଲି କହିଛି ଏଜେନ୍ସି ।

ଯଦି ଭାରତ କହିବା ତାହାଲେ ଭାରତରେ ଏବେ ବାୟୁ ପ୍ରଦୂଷଣ ଉଦବେଗଜନକ ସ୍ଥିତିରେ ଅଛି । ଦିଲ୍ଲୀ-ଏନସିଆରରେ ବାୟୁ ପ୍ରଦୂଷଣ ଚିନ୍ତା ଜନକ ସ୍ଥିତିରେ ରହିଛି । ରାଜଧାନୀ ଦିଲ୍ଲୀରେ ବାୟୁ ପ୍ରଦୂଷଣ ଏତେ ବଢ଼ିଯାଇଛି ଯେ ଦିଲ୍ଲୀ ଆକାଶରେ ଧୂଆଁର ଏକ ଚାଦର ପରି ନଜର ଆସୁଛି । ଯାହା ଫଳରେ ଦିଲ୍ଲୀ ସରକାର ଏକ ସପ୍ତାହ ପାଇଁ ସ୍କୁଲ ବନ୍ଦ କରିବାକୁ ନିଷ୍ପତି ନେଇଛି । ତେବେ ଏହି ବାୟୁ ପ୍ରଦୂଷଣ ମାମଲା ସୁପ୍ରିମକୋର୍ଟରେ ପହଞ୍ଚିଛି । ତେବେ ଦିଲ୍ଲୀରେ ବାୟୁ ପ୍ରଦୂଷଣ କମ୍ କରିବା ପାଇଁ ଲକଡାଉନ ପରି ନିଷ୍ପତି ମଧ୍ୟ ନିଆଯାଇପାରେ ।