ମେ’୧୪ରେ ଦୁବାଇରୁ ପ୍ରବାସୀଙ୍କୁ ନେଇ ଭୁବନେଶ୍ୱରରେ ପହଞ୍ଚିବ ଏୟାର ଇଣ୍ଡିଆ

ଭୁବନେଶ୍ୱର: ମହାମାରୀ କରୋନା କାରଣରୁ ବିଶ୍ୱବ୍ୟାପି ଆତଙ୍କ ସୃଷ୍ଟି ହୋଇଛି । ଦେଶ ଭିତରେ ପ୍ରବାସୀ ଶ୍ରମିକ ନିଜ ନିଜ ରାଜ୍ୟକୁ ଫେରିବାକୁ ଚାହୁଁଥିବା ବେଳେ ଲକଡାଉନ୍ କାରଣରୁ ଫେରି ପାରୁନାହାନ୍ତି । ଦେଶ ବାହାରେ ମଧ୍ୟ ପ୍ରବାସୀ ଭାରତୀୟ ଅଟକି ରହିଛନ୍ତି ।

ଦୁବାଇରେ ମଧ୍ୟ ଅନେକ ଭାରତୀୟ, ବିମାନ ଚଳାଚଳ ବନ୍ଦ ଥିବା କାରଣରୁ ନିଜ ଦେଶକୁ ଫେରି ପାରୁନାହାନ୍ତି । ଯେଉଁମାନଙ୍କ ମଧ୍ୟରେ ଅନେକ ଓଡ଼ିଆ ଅଛନ୍ତି । ତେବେ ଦୁବାଇରେ ଅଟକି ରହିଥିବା ଓଡ଼ିଆ ପରିବାର ମାନଙ୍କ ପାଇଁ ଖୁସିର ଖବର । ଆସନ୍ତା ମେ’୧୪ ତାରିଖ ଦିନ ଏୟାର ଇଣ୍ଡିଆର ଗୋଟିଏ ବିମାନ ଭୁବନେଶ୍ୱର ପହଞ୍ଚିବ । ଭୁବନେଶ୍ୱର ଆସୁଥିବା ଏହି ବିମାନ ୧୭୯ ଜଣ ଯାତ୍ରୀଙ୍କୁ ନେଇ ଭୁବନେଶ୍ୱର ବିମାନ ବନ୍ଦରରେ ଅବତରଣ କରିବ ।