ଏୟାର ଇଣ୍ଡିଆ ପରେ ଏୟାର ଏସିଆ କିଣିବ ଟାଟା, ୧୦୦ ପ୍ରତିଶତ ଅଂଶଧନ କିଣିବାକୁ କମ୍ପାନୀର ପ୍ରସ୍ତାବ

ନୂଆଦିଲ୍ଲୀ: ଏୟାର ଏସିଆ କିଣିବାକୁ ଟାଟାର ପ୍ରସ୍ତାବ । ଆଭିଏସନ କ୍ଷେତ୍ରରେ ସେବାକୁ ଆହୁରି ବଢ଼ାଇବାକୁ ପ୍ରୟାସ ଆରମ୍ଭ କରିଛି ଟାଟା ଗ୍ରୁପ । ଗତ ଡିସେମ୍ବରରେ ଏୟାର ଇଣ୍ଡିଆକୁ ଅଧିଗ୍ରହଣ କରିବା ପରେ ଏବେ ଏୟାର ଏସିଆର ଶହେ ପ୍ରତିଶତ ଅଂଶଧନ କିଣିବାକୁ କମ୍ପାନୀ ପ୍ରସ୍ତାବ ଦେଇଛି । ଏ ନେଇ କମ୍ପାନୀ କମ୍ପିଟିସନ କମିସନ ଅଫ୍ ଇଣ୍ଡିଆ ବା CCIର ଅନୁମୋଦନ ଲୋଡ଼ିଛି ।

ଏୟାର ଏସିଆ ଇଣ୍ଡିଆର ୮୩.୬୭ ପ୍ରତିଶତ ସେୟାର ଟାଟା ସନ୍ସ ପ୍ରାଇଭେଟ ଲିମିଟେଡ ପାଖରେ ରହିଛି । ବଳକା ଅଂଶଧନ ମାଲେସିଆର ଏୟାର ଏସିଆ ଗ୍ରୁପ ପାଖରେ ରହିଛି । ଟାଟା ପକ୍ଷରୁ ଚାରିଟି ଯାକ ଏୟାରଲାଇନ୍ସକୁ ଏକାକୃତ କରିବାକୁ ପ୍ରକ୍ରିୟା ଆରମ୍ଭ ହୋଇଛି । ଯାହାଫଳରେ ଏୟାର ଇଣ୍ଡିଆ, ଭିସ୍ତାରା, ଏୟାର ଇଣ୍ଡିଆ ଏକ୍ସପ୍ରେସ ଓ ଭିସ୍ତାରା ଗୋଟିଏ ବିଲ୍ଡିଂରୁ ପରିଚାଳିତ ହେବ । ଏ ନେଇ ହରିୟାଣାରେ ୭୦ହଜାର ବର୍ଗଫୁଟର ଏକ ସ୍ଥାନକୁ ଟାଟା ଲିଜରେ ନେଇଥିବା ସୂଚନା ମିଳିଛି ।