୨ ସଂସ୍ଥାକୁ ବିକି ୧ ଲକ୍ଷ କୋଟି ଟଙ୍କା କ୍ଷତି ରୋକିବେ କେନ୍ଦ୍ର ସରକାର

ନୂଆଦିଲ୍ଲୀ: ମାନ୍ଦାବସ୍ଥା ମାଡ଼ରେ ବିଗିଡ଼ି ଯାଇଛି କେନ୍ଦ୍ରର ମୋଦି ସରକାରଙ୍କ ଅର୍ଥନୀତି ଗଣିତ । କ୍ଷତିରେ ଚାଲୁଥିବା ଏୟାର ଇଣ୍ଡିଆ ଓ ଭାରତ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ (ବିପିସିଏଲ୍)କୁ ବିକ୍ରି କରିବେ ସରକାର । ବର୍ତ୍ତମାନ ଏହି ୨ ସଂସ୍ଥାକୁ ଚଳାଇବା ପାଇଁ କେନ୍ଦ୍ର ସରକାରଙ୍କୁ ଅର୍ଥର ଅଭାବ ପଡ଼ୁଛି । ୨ ସରକାରୀ ସଂସ୍ଥା ବିକ୍ରି ହେଲେ ସରକାର ଚଳିତବର୍ଷ ୧ ଲକ୍ଷ କୋଟି ଟଙ୍କା ପାଇବେ । ୨୦୨୦ ମାର୍ଚ୍ଚ ସୁଦ୍ଧା ଏୟାର ଇଣ୍ଡିଆ, ବିପିସିଏଲକୁ ବିକ୍ରି କରିବାକୁ ପ୍ରକ୍ରିୟା ଆରମ୍ଭ ହୋଇଥିବା କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ।

ଅନ୍ତର୍ଜାତୀୟ ରୋଡ୍ ସୋରେ ଏୟାର ଇଣ୍ଡିଆକୁ କିଣିବାକୁ ପୁଞ୍ଜିନିବେଶକାରୀ ଆଗ୍ରହ ଦେଖାଇଛନ୍ତି । ତଳମୁହାଁ ହେଉଥିବା ଅର୍ଥନୀତିକୁ ମଜଭୁତ୍ କରିବାକୁ ସରକାର ପଦକ୍ଷେପ ନେଇଛନ୍ତି । ଶିଳ୍ପକ୍ଷେତ୍ରରେ ପୁଞ୍ଜିନିବେଶ ଓ ବାଲାନ୍ସ ସିଟରେ ଉନ୍ନତି ଆସିଥିବା କହିଛନ୍ତି କେନ୍ଦ୍ର ଅର୍ଥମନ୍ତ୍ରୀ ।

ବିମାନ ଇନ୍ଧନର ଦରବୃଦ୍ଧି, ଫରେକ୍ସ ହ୍ରାସ ଯୋଗୁଁ ଗତ ଆର୍ଥିକ ବର୍ଷରେ ଏୟାର ଇଣ୍ଡିଆ ୪ ହଜାର ୬୦୦ କୋଟି ଟଙ୍କା କ୍ଷତି ସହିଥିଲା । ଚଳିତବର୍ଷ ଏଥିରେ ଉନ୍ନତି ଦେଖାଦେବ ବୋଲି ଆଶା କରାଯାଉଛି । ')}