ଜାମ୍ମୁ ଓ କାଶ୍ମୀରର ସୁରନକୋଟରେ ଆତଙ୍କବାଦୀ ହମଲା, ଜଣେ ଯବାନ ସହିଦ୍

ବ୍ୟୁରୋ ରିପୋର୍ଟ: ଜାମ୍ମୁ ଓ କାଶ୍ମୀରର ସୁରନକୋଟରେ ଆତଙ୍କବାଦୀ ହମଲା। ପୁଞ୍ଛ ଜିଲ୍ଲାରେ ମାତିଛନ୍ତି ଆତଙ୍କବାଦୀ। ଶନିବାର ସନ୍ଧ୍ୟାରେ ଜମ୍ମୁ କଶ୍ମୀରର ପୁଞ୍ଛ ଜିଲ୍ଲାରେ ବାୟୁସେନା କନଭୟ ଉପରକୁ ବଡ ଧରଣର ଆତଙ୍କବାଦୀ ହମଲା ହୋଇଥିଲା। ଏହି ଆକ୍ରମଣରେ ଆହତ ହୋଇଥିବା ୫ ଜଣ ଯବାନଙ୍କ ମଧ୍ୟରୁ ଆଜି ଜଣେ ସହିଦ ହୋଇଛନ୍ତି। ସେନା ଅଧିକାରୀଙ୍କ ତରଫରୁ ଏହି ସୂଚନା ମିଳିଛି।

ସୂଚନା ଅନୁଯାୟୀ, ଯବାନଙ୍କ ଗାଡି ଯିବାବେଳେ ଆତଙ୍କବାଦୀ ଆକ୍ରମଣ କରିଥିଲେ। ଆକ୍ରମଣରେ ବାୟୁସେନାର ଜଣେ ଯବାନ ସହିଦ ହୋଇଥବାବେଳେ ୪ ଜଣ ଆହତ ହୋଇଛନ୍ତି । ଘଟଣା ପରେ ସ୍ଥାନୀୟ ଅଞ୍ଚଳରେ ଆତଙ୍କବାଦୀ ଦମନ ଅପରେସନ ଜୋରଦାର କରାଯାଇଛି। ଚଳିତ ବର୍ଷରେ ସଶସ୍ତ୍ର ବାହିନୀ ଉପରେ ଏହା ପ୍ରଥମ ବଡ଼ଧରଣର ଆକ୍ରମଣ। ଗତବର୍ଷ ବାରମ୍ବାର ଯବାନମାନଙ୍କ ଉପରେ ଆକ୍ରମଣ ହୋଇଥିଲା। ସ୍ଥାନୀୟ ଅଞ୍ଚଳକୁ ରାଷ୍ଟ୍ରୀୟ ରାଇଫଲସ ପକ୍ଷରୁ କର୍ଡନ କରାଯାଇ ଅପରେସନ ଆରମ୍ଭ କରାଯାଇଛି। ଆହତ ଯବାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସହସିତାର ଠାରେ ଘଟିଛି ଘଟଣା।