ନୂଆଦିଲ୍ଲୀ: AICC ଅଧ୍ୟକ୍ଷ ପଦ ପାଇଁ ନିର୍ବାଚନ ଲଢ଼ିବେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ରାଜ୍ୟସଭା ଏମପି ଦିଗବିଜୟ ସିଂ । ଆଜି ରାତିରେ ସେ ଦିଲ୍ଲୀ ଗସ୍ତ କରିପାରନ୍ତି । ଖୁବଶୀଘ୍ର ସେ ଅଧ୍ୟକ୍ଷ ପଦ ପାଇଁ ନାମାଙ୍କନ ଭରିବେ ବୋଲି ବିଶେଷ ସୂତ୍ରରୁ ଜଣାପଡ଼ିଛି । ସେପଟେ ରାଜସ୍ଥାନ କଂଗ୍ରେସ କଳି ସମାଧାନ ହୋଇପାରିନଥିବା ବେଳେ ଆଜି ସୋନିଆଙ୍କୁ ଭେଟିବେ ମୁଖ୍ୟମନ୍ତ୍ରୀ ଅଶୋକ ଗେହେଲଟ।
ଏଆଇସିସି ସଭାପତି ପଦଲାଗି ସେ ପ୍ରତିଦ୍ୱନ୍ଦ୍ୱିତା କରି ପାରିବେ କି ନାହିଁ ସେ ନେଇ ସୋନିଆଙ୍କ ସହ ଆଲୋଚନା କରିବେ। ସଚିନ ପାଇଲଟ ମୁଖ୍ୟମନ୍ତ୍ରୀ ହେବାକୁ ବିରୋଧ କରି ରାଜସ୍ଥାନର ୯୦ ବିଧାୟକ ଇସ୍ତଫା ଦେବାକୁ ଧମକ ଦେଇଥିଲେ। ଗେହେଲଟ ଉଭୟ AICC ସଭାପତି ଓ ରାଜସ୍ଥାନ ମୁଖ୍ୟମନ୍ତ୍ରୀ ପଦରେ ରୁହନ୍ତୁ ବୋଲି ଦାବି କରିଥିଲେ ଗେହେଲଟଙ୍କ ଗୋଷ୍ଠୀର ବିଧାୟକ।
