ବିଜେପି ସହ ମେଣ୍ଟ ଭାଙ୍ଗିଲା AIADMK

ଚେନ୍ନାଇ: ସାଧାରଣ ନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା । NDA ମେଣ୍ଟରୁ ଅଲଗା ହେଲା AIADMK । ସୋମବାର ତାମିଲନାଡ଼ୁ ପାର୍ଟି ମୁଖ୍ୟ କାର୍ଯ୍ୟାଳୟରେ ଅୁନଷ୍ଠିତ ଏକ ବୈଠକ ପରେ ଏଭଳି ଘୋଷଣା କରାଯାଇଛି । ଲୋକସଭା ନିର୍ବାଚନରେ ଏକାକି ନିର୍ବାଚନ ଲଢ଼ିବେ ବୋଲି ସିଧା ସିଧା କହି ଦେଇଛନ୍ତି । କିଛିଦିନ ହେବ ବିବାଦୀୟ ମନ୍ତବ୍ୟକୁ ନେଇ ଉଭୟ ଦଳ ମଧ୍ୟରେ ବିବାଦ ଲାଗିଥିଲା । ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ସିଏନ ଆନ୍ନା ଦୁରାଇଏବଂ ତାମିଲନାଡ଼ୁ ବିଜେପି ମୁଖ୍ୟ କେ.ଆନ୍ନାମଲାଇଙ୍କ ମଧ୍ୟରେ ତିକ୍ତତା ତଥା ବିବାଦୀୟ ମଣ୍ଡବ୍ୟ ଲାଗି ରହିଥିଲା ।  1956 ମସିହାରେ ମଦୁରାଇରେ ଏକ କାର୍ଯ୍ୟକ୍ରମରେ ଅନ୍ନଦୁରାଇ ହିନ୍ଦୁ ଧର୍ମକୁ ଅପମାନିତ କରିଥିବା ଅଭିଯୋଗ ହେବା ପରେ ଅନ୍ନାମଲାଇଙ୍କ ମନ୍ତବ୍ୟ ଏକ ବିବାଦ ସୃଷ୍ଟି କରିଥିଲା। ବିଜେପି ନେତା ଏହା ମଧ୍ୟ ଅଭିଯୋଗ କରିଛନ୍ତି ଯେ ଅନ୍ନଦୁରାଇଙ୍କୁ ମଦୁରାଇରେ ଲୁଚାଇ ରଖାଯାଇଛି ଏବଂ ସେ କ୍ଷମା ମାଗିବା ପରେ ସେ ଖସି ପଳାଇଛନ୍ତି।

ଲୋକସଭା ନିର୍ବାଚନ ପୂର୍ବରୁ ଏନଡିଏକୁ ଝଟକା । ତାମିଲନାଡୁରେ ଭାଙ୍ଗିଲା ବିଜେପି-ଏଆଇଏଡିଏମକେ ମେଣ୍ଟ । ବିଜେପି ରାଜ୍ୟ ସଭାପତି କେ. ଆନ୍ନାମଲାଇଙ୍କ କେତେକ ବିବାଦୀୟ ବୟାନ ପରେ ଭାଙ୍ଗିଛି ମେଣ୍ଟ । ବିଜେପି ସହ ମେଣ୍ଟ ଭାଙ୍ଗିବା ନେଇ ଘୋଷଣା କରିଛନ୍ତି ଏଆଇଏଡିଏମକେ ଉପସାଧାରଣ ସମ୍ପାଦକ କେ.ପି. ମୁନୁସ୍ବାମୀ । ଏମପି, ଏମଏଲଏ ଓ ଜିଲ୍ଲାସ୍ତରୀୟ ନେତାଙ୍କ ଉପସ୍ଥିତିରେ ଏହି ଘୋଷଣା କରାଯାଇଛି । ଗତ କିଛି ମାସ ଧରି ଏଆଇଏଡିଏମର ନେତାଙ୍କ ବିରୋଧରେ ଆନ୍ନାମଲାଇ ଦେଉଥିବା ବୟାନକୁ ବିରୋଧ କରି ଦଳ ଏହି ନିଷ୍ପତ୍ତି ନେଇଛି । ଗତ ଶନିବାର ଦିଲ୍ଲୀରେ ଦୁଇ ଦଳ ମଧ୍ୟରେ ତାଳିପକା ନେଇ ଆଲୋଚନା ହୋଇଥିଲେ ବି ତାହା ବିଫଳ ହୋଇଥିଲା । ପୂର୍ବତନ ମୁଖ୍ୟମନ୍ତ୍ରୀ ସିଏନ ଆନ୍ନାଦୁରାଇଙ୍କ ସମ୍ପର୍କରେ ଆନ୍ନାମଲାଇ ଭୁଲ ମାଗନ୍ତୁ ନତୁବା ଜଣେ ନିର୍ବିବାଦୀୟ ବ୍ୟକ୍ତିଙ୍କୁ ରାଜ୍ୟ ସଭାପତି କରାଯାଉ ବୋଲି ଦାବି କରିଥିଲେ ଏଆଇଏଡିଏମକେ ନେତା । ମାତ୍ର ଏହା ସମ୍ଭବ ନହେବାରୁ ଶେଷରେ ମେଣ୍ଟ ଭାଙ୍ଗିଛି । ଆନ୍ନାଦୁରାଇ ହେଉଛନ୍ତି ଏଆଇଏଡିଏମକେ ପ୍ରତିଷ୍ଠାତା ଏମଜି ରାମଚନ୍ଦ୍ରନଙ୍କ ଅନୁଗତ ।