AIର ବିଭିନ୍ନ ଆପ୍ଲିକେସନ୍ ବ୍ୟବହାର ସହ ବଢୁଛି ସାମାଜିକ ବିପଦ
1 min read
ନନ୍ଦିଘୋଷ ବ୍ୟୁରୋ: ଆର୍ଟିଫିସିଆଲ୍ ଇଣ୍ଟେଲିଜେନ୍ସର ବ୍ୟବହାର ସହ ବଢୁଛି ସାମାଜିକ ବିପଦ। କିନ୍ତୁ ଦିନକୁ ଦିନ AIର ବିଭିନ୍ନ ଆପ୍ଲିକେସନ୍ ପ୍ରତି ଚାହିଦା ବଢ଼ିବାରେ ଲାଗିଛି । ମହିଳାଙ୍କ ଫଟୋରୁ ଉଲଗ୍ନ ଫଟୋ ପ୍ରସ୍ତୁତ କରୁଥିବା ଆପର ଚାହିଦା ଏବେ ଅଧିକ ରହିଛି । ସୋସିଆଲ୍ ମିଡିଆ ଆନାଲିସିସ୍ କଂପାନୀ ଗ୍ରାଫିକା ସର୍ଭେରୁ ସାଂଘାତିକ ତଥ୍ୟ ସାମନାକୁ ଆସିଛି । ଫେକ୍ ନେକେଡ୍ ଇମେଜ୍ ପ୍ରସ୍ତୁତକାରୀ ଆପ ଭିଜିଟରଙ୍କୁ ଆକୃଷ୍ଟ କରୁଛି । ଯାହାଦ୍ବାରା ୟୁଜର୍ସମାନେ ଏହାକୁ ଦେଖୁଥିବା ଜଣାପଡ଼ିଛି । ଏହା ଯୁବପିଢ଼ୀ ଏବଂ ପିଲାଙ୍କୁ ଖରାପ କରୁଥିବା ଅଭିଯୋଗ ହେଉଥିବାବେଳେ ବୁଦ୍ଧିଜୀବୀମାନେ ଅନଡ୍ରେସ୍ ନାଁରେ ଥିବା AI ଆପ୍ଲିକେସନକୁ ବ୍ଲକ୍ କରିବାକୁ ଦାବି କରୁଛନ୍ତି । ସବୁଠାରୁ ବଡ଼ କଥା ହେଉଛି କି, ଦିନକୁଦିନ ସମାଜ ପ୍ରତି ଏହା ଏକ ବିପଦ ଭାବେ ପରିଗଣିତ ହେଉଛି । ଆର୍ଟିଫିସିଆଲ୍ ଇଣ୍ଟେଲିଜେନ୍ସର ନକାରାତ୍ମକ ଦିଗକୁ ନେଇ ଚିନ୍ତାରେ ପ୍ରସ୍ତୁତକାରୀ । ସେପ୍ଟେମ୍ବର- ଅକ୍ଟୋବରରେ ୨.୪ କୋଟି ୟୁଜର ଏଭଳି ସାଇଟ୍ ଭିଜିଟ୍ କରିଥିବା ରିପୋର୍ଟରୁ ଜଣାପଡ଼ିଛି । ଗ୍ରାଫିକା ତଥ୍ୟକୁ ସୋସିଆଲ୍ ମିଡିଆ କଂପନୀମାନେ ଦୃଷ୍ଟି ଦେବା ଦରକାର ବୋଲି ଦାବି କରାଯାଇଛି ।
