କଂଗ୍ରେସ, ବିଜେପି ଛାଡ଼ି ବିଜେଡିରେ ମିଶିଲେ ପୂର୍ବତନ କାଉନସିଲର ଓ କର୍ମୀ
ଢେଙ୍କାନାଳ: ପୌର ନିର୍ବାଚନ ପୂର୍ବରୁ ବଢ଼ୁଛି ବିଜେଡିର ବଳ । ଢେଙ୍କାନାଳରେ କଂଗ୍ରେସ ଓ ବିଜେପି ଛାଡ଼ି ବିଜେଡିରେ ସାମିଲ୍ ହେଲେ ବହୁ ପୂର୍ବତନ କାଉନସିଲର ଓ କର୍ମୀ । ବିଧାୟକ ସୁଧୀର କୁମାର ସାମଲ ଓ ଢେଙ୍କାନାଳ ପର୍ଯ୍ୟବେକ୍ଷକ ବିଜୟ ନାୟକଙ୍କ ଉପସ୍ଥିତିରେ ସେମାନେ ଦଳରେ ଯୋଗ ଦେଇଛନ୍ତି । ବିଜେଡିରେ ବିଜେପିର ଢେଙ୍କାନାଳ ଟାଉନ ନଗର ସଭାପତି ଅଜୟ ଭଞ୍ଜ, କଂଗ୍ରେସର ଜିଲ୍ଲା ଉପସଭାପତି ତଥା ପ୍ରଦେଶ କଂଗ୍ରେସ କମିଟି ସଦସ୍ୟ ପ୍ରକାଶ ଚନ୍ଦ୍ର କୁଅଁର ମିଶିଛନ୍ତି ।
ସେହିଭଳି ବିଜେପି ପୂର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷା ଅନିମା ନାୟକ, ବିଜେପିର ନଗର ସମ୍ପାଦକ ବ୍ରହ୍ମାନନ୍ଦ ସାହୁ, କଂଗ୍ରେସର ପୂର୍ବତନ କାଉନସିଲର ପ୍ରକାଶ ଚନ୍ଦ୍ର କୁଅଁରଙ୍କ ସହ ବହୁ କର୍ମୀ ବିଜେଡିରେ ସାମିଲ୍ ହୋଇଛନ୍ତି । ଦଳରେ ଦୀର୍ଘଦିନ ଧରି କୋଣଠେସା ହୋଇ ରହିଥିବାରୁ ସେମାନେ ଦଳ ଛାଡ଼ିଥିବା କହିଛନ୍ତି । ଆଗକୁ ପୌର ନିର୍ବାଚନ ଥିବାରୁ ଏହି ମିଶ୍ରଣ ପର୍ବ ଦଳକୁ ଆହୁରି ମଝଭୁତ୍ କରିବ ବୋଲି କହିଛନ୍ତି ବିଜେଡି ବିଧାୟକ ।
