ଅବଦୁଲ କାଲାମ ଦ୍ୱୀପରୁ ଆଜି ଅଗ୍ନି-୩ କ୍ଷେପଣାସ୍ତ୍ରର ହେବ ବ୍ୟାବହାରିକ ପରୀକ୍ଷଣ

ବାଲେଶ୍ୱର: ଅଗ୍ନି-୩ କ୍ଷେପଣାସ୍ତ୍ରର ଆଜି ହେବ ବ୍ୟାବହାରିକ ପରୀକ୍ଷଣ । ଧାମରା ଅବଦୁଲ କାଲାମ ଦ୍ୱୀପର ୪ ନମ୍ବର ଲଞ୍ଚପ୍ୟାଡରୁ ପରୀକ୍ଷଣ ହେବ । ଏଥିପାଇଁ ଡିଆରଡିଓ ଏବଂ ଭାରୀତୀୟ ସେନାର ଷ୍ଟ୍ରାଟେଜିକ୍ ଫୋର୍ସ କମାଣ୍ଡ ପକ୍ଷରୁ ଚୂଡ଼ାନ୍ତ ପ୍ରସ୍ତୁତି ସରିଛି । ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଇଣ୍ଟରମିଡିଏଟ୍ ରେଞ୍ଜ ବାଲିଷ୍ଟିକ ମିଜାଇଲ ଅଗ୍ନି-୩ ।

ଏହାର ଲକ୍ଷଭେଦ କ୍ଷମତା ସାଢ଼େ ୩ ହଜାରରରୁ ୫ ହଜାର କିଲୋମିଟର । ଅଗ୍ନି-୩ ଉଭୟ ପାରମ୍ପରିକ ଓ ଆଣବିକ ଯୁଦ୍ଧାସ୍ତ୍ରରେ ବ୍ୟବହାର କରାଯାଇ ପାରିବ । ଏହାକୁ ଜୁନ୍ ୨୦୧୧ରେ ସେନାରେ ସାମିଲ କରାଯାଇଥିଲା । ଅଗ୍ନି-୩ର ଲମ୍ବ ୧୭ ମିଟର ହୋଇଥିବା ବେଳେ ଓଜନ ୨,୨୦୦ କେଜି ।