ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁକୁ ନେଇ ଉତ୍ତେଜନା

ଘଟଗାଁ: ଦୀର୍ଘ ୧୨ଘଣ୍ଟା ହେବ ସ୍କୁଲ ଆଗରେ ପଡ଼ି ରହିଛି ମୃତଦେହ । ଶବ ରଖି ଦୃଢ କାର୍ଯ୍ୟନୁଷ୍ଠାନ ଦାବି କରିଛନ୍ତି ଗ୍ରାମବାସୀ । ଘଟଣାଟି ହେଉଛି ଘଟଗାଁ ବ୍ଲକ ମସିଣାଯୋଡ଼ି ଏଜୁକେସନାଲ କମ୍ପ୍ଲେକ୍ସ ସ୍କୁଲର । ଅଷ୍ଟମ ଶ୍ରେଣୀ ଛାତ୍ରୀ ପଦ୍ମା ଜୁଆଙ୍ଗଙ୍କ ମୃତ୍ୟୁକୁ ନେଇ ଉତ୍ତେଜନା ପ୍ରକାଶ ପାଇଛି । ପରିବାର ଲୋକ ପଦ୍ମା ଅସୁସ୍ଥ ପରେ ସ୍କୁଲ ପକ୍ଷରୁ ଚିକିତ୍ସା ଅବହେଳା କାରଣରୁ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ।

ମୃତ୍ୟୁ ପରେ ସ୍କୁଲ କର୍ତ୍ତୃପକ୍ଷ ପଦ୍ମାର ମୃତଦେହକୁ ଘର ବାରଣ୍ଡାରେ ଛାଡ଼ି ଚାଲିଯାଇଥିଲେ । ଏପରିକି କୌଣସି ମେଡିକାଲ ରିପୋର୍ଟ ଦେଇନଥିଲେ । ଫଳରେ ଝିଅର ଚିକିତ୍ସାରେ ଅବହେଳା ଅଭିଯୋଗ କରି ଉତ୍ତେଜନା ଦେଖାଦେଇଛି । ସ୍କୁଲ ଆଗରେ ମୃତଦେହ ରଖି ଗାଁ ଲୋକ କାର୍ଯ୍ୟାନୁଷ୍ଠାନ ପାଇଁ ଅଡ଼ି ବସିଛନ୍ତି । ପଣ୍ଡାପଡ଼ା ପୋଲିସ ଲୋକଙ୍କୁ ବୁଝାସୁଝା କରୁଛି ।