ସ୍ୱାମୀକୁ ପାଇଲେନି, ପୁଣି ଧାରଣାରେ ବସିଲେ ଡିମ୍ପଲ

ବ୍ରହ୍ମପୁର: ପୁଣି ଶ୍ୱଶୁର ଘର ଆଗରେ ବସିଲେ ବୋହୂ ତପସ୍ୱିନୀ ଦାସ ଓରଫ ଡ଼ିମ୍ପଲ  ।  ଡିମ୍ପଲ- ସୁମିତ ପାରିବାରିକ ବିବାଦ ଏବେ ଆଉ  ଏକ ମୋଡ଼ ନେଇଛି। ଡିମ୍ପଲଙ୍କ ପିଟିସନ ଖାରଜ କଲେ କୋର୍ଟ । ଶାଶୂଘରେ ରହିବାକୁ ଅନୁମତି ଦେଲେନି SDJM । ଥାନାରେ ଅଭିଯୋଗ କରିବାକୁ ପରାମର୍ଶ ଦେଲେ । କୋର୍ଟଙ୍କ ଏଭଳି ରାୟ ପରେ ପୁଣି ସୁମିତଙ୍କ ଘର ଆଗରେ ବସିଛନ୍ତି ଡିମ୍ପଲ ।

ପୁଣି ଥରେ ସମାଜସେବୀ ପ୍ରମିଳାଙ୍କ ସହ ସୁମିତଙ୍କ ଘର ଆଗରେ ଧାରଣାରେ ବସିରହିଛନ୍ତି ଡ଼ିମ୍ପଲ । ସେ କହିଛନ୍ତି ଯେପର୍ଯ୍ୟନ୍ତ ନ୍ୟାୟ ନମିଳିଛି ସେ ପର୍ଯ୍ୟନ୍ତ ସେ କୁଆଡେ ଯିବେନିହିଁ  ।  ସୂଚନା ମୁତାବକ କୋର୍ଟକୁ ଏକ ଅନୁମତି ମାଗିଥିଲେ ଡ଼ିମ୍ପଲ  । ସେ ସ୍ୱାମୀ ଘର ଆଗରେ ଧାରଣାରେ ବସି ରହିବାକୁ ଅନୁମତି ମାଗିଥିଲେ କିନ୍ତୁ କୋର୍ଟ ଏହାକୁ ଖାରଜ କରିଦେଇଥିଲେ  ।