‘ବଡ ଖବର’ର ସମ୍ପାଦକ ଅର୍ଦ୍ଧେନ୍ଦୁଙ୍କ ବିରୋଧରେ ଆଉ ଏକ ଅଭିଯୋଗ

କଟକ: ସାମ୍ବାଦିକ ତଥା ‘ବଡ ଖବର’ର ସମ୍ପାଦକ ଅର୍ଦ୍ଧେନ୍ଦୁ ଦାସଙ୍କ ବିରୋଧରେ ଆଉ ଏକ ସଙ୍ଗୀନ ଅଭିଯୋଗ  । କଟକ ପୁରୀ ଘାଟ ଥାନାରେ ଋଜୁ ହୋଇଛି ମାମଲା  ।  ମିଳିଥିବା ସୂଚନା ମୁତାବକ ନିଶୀଥ ଅଗ୍ରୱାଲ ନାମକ ଜଣେ ବ୍ୟବସାୟୀଙ୍କ ଠାରୁ  ୭ଲକ୍ଷ ଟଙ୍କାର ପ୍ଲାଏ କିଣିଥିଲେ ଅର୍ଦ୍ଧେନ୍ଦୁ ଦାସ  । ଏହି ଅର୍ଥକୁ ସଠିକ ଭାବେ ଉକ୍ତ ବ୍ୟବସାୟୀଙ୍କୁ ପୈଠ କରିନଥିବା ଅଭିଯୋଗ ଆସିଛି  ।

ଠକେଇ ହୋଇଥିବା ପୁରୀଘାଟ ଥାନାରେ  ଅଭିଯୋଗ କରିଛନ୍ତି ବ୍ୟବସାୟୀ ନିଶୀଥ ଅଗ୍ରୱାଲ  । ସେପଟେ ଅଭିଯୋଗ ଆଧାରରେ ପୁରୀ ଘାଟ ଥାନା ପୋଲିସ ତଦନ୍ତ ଆରମ୍ଭ କରିଥିବା ଜଣାପଡିଛି । ଅନ୍ୟପଟେ  ଟିଭି ଚ୍ୟାନେଲ ପ୍ରତିଷ୍ଠା କରିବା ପାଇଁ ୨୦୨୦ ମସିହାରେ ଅର୍ଦ୍ଧେନ୍ଦୁ ଦିଲ୍ଲୀର ସଲ୍ୟୁସନ୍ ବ୍ରଡକାଷ୍ଟ୍ର ପ୍ରୋପାଇଟର୍ ଗଗନଦୀପ ସିଂହ ଚାଓ୍ବଲାଙ୍କ ଠାରୁ ଆଣିଥିବା ଲକ୍ଷାଧିକ ଟଙ୍କାର ଯନ୍ତ୍ରାଶ ବାବଦରେ ମଧ୍ୟ ଠକେଇ କରିଥିବା ଅଭିଯୋଗ ହୋଇଛି  ।

ଅଭିଯୋଗକାରୀ ଗଗନଦୀପଙ୍କ ଅଭିଯୋଗ ପରେ ହାଜର ହେବାକୁ ୨ ଥର ନୋଟିସ କରିଥିଲା ଇଓଡବ୍ଲୁ । ହେଲେ ହାଜର ହୋଇନଥିଲେ ଅର୍ଦ୍ଧେନ୍ଦୁ ଦାସ । ତାଙ୍କ ବିରୋଧରେ ଇଓଡବ୍ଲ୍ୟୁରେ ଆଇପିସିର ଧାରା ୪୦୬, ୪୨୦, ୪୬୭, ୪୬୮, ୪୭୧ ଓ ୧୨୦-ବିରେ ମାମଲା ରୁଜୁ ହୋଇଛି  ।