ପୁଣି ବନ୍ଦ ହେଲା ଭୀମସାର ଓପିଡି
ସମ୍ୱଲପୁର: ପୁଣି ଥରେ ବନ୍ଦ ହେଲା ଭୀମସାର ଓପିଡ଼ି ସେବା । ୧୦ ଜଣ ଡାକ୍ତର କରୋନା ପଜିଟିଭ ଚିହ୍ନଟ ହେବ ପରେ ବନ୍ଦ ହୋଇଛି ଓପିଡ଼ି ସେବା । ଚିହ୍ନଟ ହୋଇଥିବା ୧୦ ଡାକ୍ତରଙ୍କ କଣ୍ଟାକ୍ଟ ଟ୍ରେସିଂ ଚାଲିଥିବା ବେଳେ ବିଭାଗର ସମସ୍ତ କର୍ମଚାରୀଙ୍କର ମଧ୍ୟ ସ୍ୱାବ ସଂଗ୍ରହ କରାଯାଇଛି । ଏହି ବିଭାଗ ବନ୍ଦ ହେବା ପରେ ଭୀମସାରର ମେଡ଼ିସିନ ବିଭାଗକୁ ଜରୁରୀକାଳୀନ ବିଭାଗକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି । ସୂଚନା ଥାଉକି ଭୀମସାର ର ସମସ୍ତ ଓପିଡ଼ି କୁ ଦୁଇଟି ପର୍ଯ୍ୟାୟରେ ବନ୍ଦ କରାଯାଇଥିଲା । ଏହା ସହିତ କ୍ୟାନ୍ସର ବିଭାଗ ମଧ୍ୟ ଆଜି ପର୍ଯ୍ୟନ୍ତ ବନ୍ଦ କରାଯାଇଛି ।
