ପୁରୀ ମଶାଣିଚଣ୍ଡୀ ଛକରେ ବୁଲିଲା ଖଣ୍ଡା, ଆକ୍ରମଣରେ ଜଣେ ବ୍ୟବସାୟୀ ଆହତ

ପୁରୀ: ପୁରୀ ମଶାଣିଚଣ୍ଡୀ ଛକରେ ବୁଲିଲା ଖଣ୍ଡା । ଆକ୍ରମଣରେ ଜଣେ ବ୍ୟବସାୟୀ ଆହତ ହୋଇଛନ୍ତି । ଆକ୍ରମଣରେ ଗୁରୁତର ହୋଇଥିବା ମନୋରଞ୍ଜନ ପଟ୍ଟନାୟକଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପାରିବାରିକ ବିବାଦରୁ ତାଙ୍କ ଭିଣୋଇ ଟୁନା ବାରିକ ଆକ୍ରମଣ କରିଥିବା ସୂଚନା ମିଳିଛି । ମଶାଣିଚଣ୍ଡୀ ଛକର ମନୋରଞ୍ଜନଙ୍କର ଏକ ହାର୍ଡୱେୟାର ଦୋକାନ ରହିଛି । ଆଜି ସେ ଦୋକାନ ବନ୍ଦ କରି ଘରକୁ ଆସୁଥିବା ବେଳେ, ଭିଣୋଇ ଟୁନା ତାଙ୍କୁ ଖଣ୍ଡାରେ ଆକ୍ରମଣ କରିଥିଲେ । ବାସେଳୀ ସାହି ଥାନା ପୋଲିସ ଘଟଣାର ତଦନ୍ତ କରୁଛି ।