ସୋସିଆଲ୍ ମିଡିଆରେ ସାରଥିଙ୍କ ନୂଆ ଷଡ଼ଯନ୍ତ୍ର: ଏଥର ବାରିମୂଳ ନୁହେଁ ଅଜ୍ଞାତ ସ୍ଥାନରୁ ପ୍ରବଚନ

କେନ୍ଦ୍ରାପଡ଼ା: ଫେରୁଛନ୍ତି ସାରଥି । ଭାଣ୍ଡାଫୋଡ୍‌ ହେବା ସତ୍ତ୍ୱେ ସାରଥି ନିଜକୁ ଭଗବାନ ସଜାଇବା ଚେଷ୍ଟାରୁ ଓହରି ନାହାନ୍ତି  । କିଛି ଅନୁଗାମୀଙ୍କୁ ମୋହରା କରି ଅଜ୍ଞାତ ସ୍ଥାନରୁ ଫେସ୍‌ବୁକ୍‌ରେ ଜାଲ ବିଛାଇବା କାମ ଜାରି ରଖିଛନ୍ତି ସାରଥି। ଏହାକୁ ନେଇ କେନ୍ଦ୍ରାପଡ଼ା ସମେତ ପୂରା ରାଜ୍ୟରେ ପୁଣି ଚର୍ଚ୍ଚା  । ଫେସ୍‌ବୁକ୍‌ରେ ଏହି ଆକାଉଣ୍ଟ କିଏ, କାହିଁକି ଖୋଲିଛି ତାର ଖୁଲ୍ଲାସା ହେବା ଦରକାର ବୋଲି ବୁଦ୍ଧିଜୀବୀ ଦାବି କରିଛନ୍ତି  । ନହେଲେ ପୁଣି ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହୋଇପାରେ  ।

ବ୍ୟାକ୍‌ କରୁଛନ୍ତି ସାରଥି ! ସୋସିଆଲ ମିଡିଆରେ ସାରଥିଙ୍କ ନୂଆ ଷଡ଼ଯନ୍ତ୍ର ! ଅନୁଗାମୀଙ୍କୁ ମୋହରା କରି ଦେବତା ହେବାକୁ ନୂଆ ଭାଣ୍ଡାମି  । ଏଥର ବାରିମୂଳ ନୁହେଁ ଅଜ୍ଞାତ ସ୍ଥାନରୁ ପ୍ରବଚନ  । ପୁଣି ଶୁଭିଲାଣି ମାନ୍ୟବର ମାନ୍ୟବର  । ଅନର୍ଗଳ ପ୍ରବଚନ ଦେଉଛନ୍ତି ସାରଥି ଓରଫ ସନ୍ତୋଷ ରାଉଳ  । କେନ୍ଦ୍ରାପଡ଼ା ମାଟି, ବଳଦେବଜିଉଙ୍କ ମାଟି, ମହାକାଳଙ୍କ ମାଟିକୁ ଅପବିତ୍ର, ବଦନାମ କରିଥିବା ସେହି ସାରଥି  । ଯାହା ପାଇଁ ଅଶାନ୍ତ ହୋଇଥିଲା ବାରିମୂଳ  । ସୃଷ୍ଟି ହୋଇଥିଲା ଆଇନଶୃଙ୍ଖଳା ପରିସ୍ଥିତି  । ସେ ଏବେ ଫେରୁଛନ୍ତି  । କିନ୍ତୁ କେନ୍ଦ୍ରାପଡ଼ାକୁ ନୁହେଁ, ସୋସିଆଲ ମିଡିଆକୁ କରିଛନ୍ତି ମାଧ୍ୟମ  । ଏପରି ଅଭିଯୋଗ ଆସୁଥିବାବେଳେ ଆମେ ଦେଖାଇବୁ ଆପଣଙ୍କୁ ସାରଥିଙ୍କ ସେହି ଚାଲ୍‌  ।

ଦେଖନ୍ତୁ ଏ ହେଉଛି ସାରଥି ପ୍ରଭୁ ନାମରେ ସୋସିଆଲ ମିଡିଆରେ ଖୋଲିଥିବା ଆକାଉଣ୍ଟ  । ପ୍ରଭୁ ସାରଥିଙ୍କ କଥାମୃତ, ଅନଭୂତିରେ ପ୍ରଭୁ ସାରଥି, ଶ୍ରୀମଦ ସାରଥି ଦେବଙ୍କ ଦିବ୍ୟବାଣୀ ଏପରି ଶିରୋନାମାରେ ଅପ୍‌ଲୋଡ୍‌ ହୋଇଛି ଶହଶହ ବାଣୀ  । ଫୁଲ ରଖି ପୂଜା ପାଉଥିବା ପାଦ ମଧ୍ୟ ପୋଷ୍ଟ ହୋଇଛି  । ଆଉ କିଛି ଭିଡିଓରେ ଅନୁଗାମୀ ମଧ୍ୟ ସାରଥିଙ୍କ ମାହାତ୍ମ୍ୟ ମଧ୍ୟ ପ୍ରଚାର କରୁଛନ୍ତି  । ବଖାଣୁଛନ୍ତି ଅନୁଭୂତିର କଥା  । ଏପରିକି ପ୍ରତ୍ୟେକ ଶନିବାର ରାତି ଆଠଟାରେ ଫେସବୁକରେ ସ୍ୱତନ୍ତ୍ର କାର୍ଯ୍ୟକ୍ରମ ଲାଇଭ ଦେଖିବାକୁ ପୋଷ୍ଟ ହୋଇଛି ପ୍ରମୋ  । ୩ ଓ ୪ ଅକ୍ଟୋବରରେ ପୋଷ୍ଟ ହୋଇଥିବା ଏହି ବାର୍ତ୍ତାକୁ ଦେଖନ୍ତୁ  । ଯେଉଁଥିରେ ଜଳେଶ୍ୱରରେ ଦିଲ୍ଲୀପ ସାର୍‌ଙ୍କ ଘରେ ସାରଥିଙ୍କ ପାଦରୁ ଗଙ୍ଗାଜଳ ଝରୁଥିବା ଉଲ୍ଲେଖ ରହିଛି  । ଯାହାକୁ ନେଇ ଦେଖାଦେଲାଣି ଅସନ୍ତୋଷ  । ଏପରି ଚାଲିଲେ ପୁଣି ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେବ ବୋଲି ସତର୍କ କରାଇଦେଇଛନ୍ତି ବୁଦ୍ଧିଜୀବୀ  । ଓଡ଼ିଶାର ଲୋକ ସରଳ ବିଶ୍ୱାସୀ  । ସେମାନଙ୍କ ବିଷରେ ବିଶ୍ୱାସରେ ବିଷ ଦେଇ ସାରଥି କେନ୍ଦ୍ରାପଡ଼ା ବାରିମୂଳରେ ଚଳାଇଥିଲେ ଗୁରୁଗିପି । ୨୦୧୫ରେ ଭାଣ୍ଡାଫୋଡ୍‌ ପରେ ହାଇକୋର୍ଟଙ୍କ ନିର୍ଦ୍ଦେଶରେ କରାଯାଇଛି ତଡିପାର  ।

କେନ୍ଦ୍ରାପଡ଼ା ମାଟିରେ ପାଦ ଦେବାକୁ କରାଯାଇଛି ବାରଣ  । ତଥାପିଙ୍କ ନାମରେ କିଏ କାହିଁକି ଏବଂ କେଉଁ ଉଦ୍ଦେଶ୍ୟ ନେଇ ଫେସ୍‌ବୁକରେ ଆକାଉଣ୍ଟ ଖୋଲି ପ୍ରଚାର ପ୍ରସାର ଚଳାଇଛନ୍ତି ତାହା ସ୍ପଷ୍ଟ ହେବା ଦରକାର  । ଆକାଉଣ୍ଟ ପଛର ଅନୁଗାମୀମାନେ ମଧ୍ୟ ବୁଝିବା ଦରକାର ସେମାନେ ଯାହା କରୁଛନ୍ତି ତାର ପରିଣାମ ଭୟାବହ ଏବଂ ବେଆଇନ  । ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ଉଚିତ ବୋଲି ସଂସ୍କୃତି ଗବେଷକ କହିଛନ୍ତି  । ସେ ସାମ୍ନାକୁ ଆସୁନାହାନ୍ତି  । ଅନୁଗାମୀଙ୍କ ଦ୍ୱାରା ଆରମ୍ଭ କରିଛନ୍ତି ପୁଣି ମିଛ ଆଧ୍ୟାତ୍ମିକ ସାମ୍ରାଜ୍ୟ ବିସ୍ତାରର ଭୟାନକ ଷଡ଼ଯନ୍ତ୍ର  ।

Leave a Reply