ପୁଣି ଗ୍ରେ ଲିଷ୍ଟରେ ପାକିସ୍ତାନ

ନୂଆଦିଲ୍ଲୀ: ଆତଙ୍କବାଦୀଙ୍କୁ ପାଳିପୋସି ବଡ କରିବା ଓ ପ୍ରୋତ୍ସାହିତ ଦେବା ପାକିସ୍ତାନ ପାଇଁ ପୁଣି ଥରେ ପଡ଼ିଛି ମହଙ୍ଗା । ଏଥର ବି ପାକିସ୍ତାନକୁ ଗ୍ରେ ଲିଷ୍ଟରେ ରଖିଛି FATF । ଆତଙ୍କବାଦୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେଇ ନଥିବାରୁ ଓ ୩୪-ସୂତ୍ରୀ କାର୍ଯ୍ୟ ଯୋଜନାକୁ ଲାଗୁ କରିବାରେ ଫେଲ୍ ମାରିଥିବାରୁ ଏଭଳି ନିଷ୍ପତ୍ତି ନେଇଛି ଫାଇନ୍ସସିଆଲ ଆକସନ୍ ଟାସ୍କ ଫୋର୍ସ ।

ବିଭିନ୍ନ ଦେଶର ଆର୍ଥିକ କାର୍ଯ୍ୟକଳାପ ଉପରେ ନଜର ରଖିଥାଏ FATF । ଆତଙ୍କବାଦୀଙ୍କୁ ପାଣ୍ଠି ଯୋଗାଣରେ ସାହାଯ୍ୟ କରିବା ଓ ସେମାନଙ୍କ ପ୍ରତି ନରମ ଆଭିମୁଖ୍ୟ ଗ୍ରହଣ କରିଥିବାରୁ ପୁଣି ଥରେ ପାକିସ୍ତାନକୁ ଗ୍ରେ ଲିଷ୍ଟର ସାମ୍ନା କରିବାକୁ ପଡିଛି । ଏହାଫଳରେ ବିଶ୍ବ ବ୍ୟାଙ୍କ ଓ ବଡ ବଡ ଦେଶରୁ ପାକିସ୍ତାନକୁ ପାଣ୍ଠି ମିଳିବ ନାହିଁ । ଯାହାକୁ ନେଇ ସମସ୍ୟାରେ ପଡିବ ପାକିସ୍ତାନ । ପାକିସ୍ତାନ ସହ ତୁର୍କୀ ମଧ୍ୟ ଗ୍ରେ ଲିଷ୍ଟରେ ପଡିଛି । ଯାହାଫଳରେ ପୁଣି ଥରେ ପଦାରେ ପଡିଛି ପାକିସ୍ତାନର ଆତଙ୍କବାଦୀ ପ୍ରେମ ।