ପୁଣି ଥରେ ଲୋକସଭା ବାଚସ୍ପତି ହେଲେ ଓମ ବର୍ଲା
ନୂଆଦିଲ୍ଲୀ: ସଂସଦର ପ୍ରଥମ ଅଗ୍ନିପରୀକ୍ଷାରେ ପାସ୍ ମୋଦି ସରକାର । ଏନଡିଏ ପ୍ରାର୍ଥୀ ଓମ ବିର୍ଲା ପୁଣି ଥରେ ବାଚସ୍ପତି । ବାଚନିକ ଭୋଟରେ ଓମ ବିର୍ଲା ନୂଆ ବାଚସ୍ପତି ଚୟନ ହେଲେ । ଅଷ୍ଟାଦଶ ଲୋକସଭାରେ ବାଚସ୍ପତି ଦାୟିତ୍ବ ତୁଲାଇବେ ଓମ ବିର୍ଲା । ଏହା ପୂର୍ବରୁ ବି ସେ ଲୋକସଭା ବାଚସ୍ପତି ଥିଲେ ।
ଦ୍ବିତୀୟ ଥର ବାଚସ୍ପତି ଭାବେ ନିର୍ବାଚିତ ହୋଇଥିବାରୁ ଓମ ବର୍ଲାଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି । ଏହା ଗୃହର ସୌଭାଗ୍ୟ ଯେ ଆପଣ ଦ୍ବିତୀୟ ଥର ଆସନରେ ବସିଛନ୍ତି । ଆପଣଙ୍କୁ ଓ ସମଗ୍ର ଗୃହକୁ ଏଥିପାଇଁ ଅଭିନନ୍ଦନ । ଓମ ବିର୍ଲାଙ୍କ କାର୍ଯ୍ୟଶୈଳୀ ଯୁବ ସାଂସଦଙ୍କୁ ପ୍ରେରଣା ଦେବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
