ଦୀର୍ଘ ୩ ସପ୍ତାହର ବ୍ୟବଧାନ ପରେ ପୁଣି ଆରମ୍ଭ ହୋଇଛି ମାତା ବୈଷ୍ଣୋଦେବୀଙ୍କ ଯାତ୍ରା। ୨୨ ଦିନ ଯାତ୍ରା ବନ୍ଦ ରହିବା ପରେ ଗତକାଲିଠାରୁ ପୁଣି ଆରମ୍ଭ ହୋଇଛି ଯାତ୍ରା। ଆଜି ଦ୍ବିତୀୟ ଦିନରେ ପୀଠ ଅଭିମୁଖେ ଯାତ୍ରା କରିଛନ୍ତି ଶ୍ରଦ୍ଧାଳୁ। ସେପ୍ଟେମ୍ବର ୨୨ରୁ ଅକ୍ଟୋବର ପହିଲା ପର୍ଯ୍ୟନ୍ତ ନବରାତ୍ରି ମହୋତ୍ସବ ପୂର୍ବରୁ ବହୁ ସଂଖ୍ୟାରେ ଭକ୍ତଙ୍କ ସମାଗମ ହେବା ଆଶା କରାଯାଉଛି। ଗତ ୨୬ ଅଗଷ୍ଟରେ ଅର୍ଦ୍ଧକୁୱାରୀ ନିକଟରେ ହୋଇଥିବା ଭୂସ୍ଖଳନ ଯୋଗୁଁ ୨୨ ଦିନ ପାଇଁ ସ୍ଥଗିତ ରହିବା ପରେ ମାତା ବୈଷ୍ଣୋ ଦେବୀଙ୍କ ତୀର୍ଥଯାତ୍ରା ପୁଣି ଆରମ୍ଭ ହୋଇଛି। ପ୍ରଶାସନକୁ ସହଯୋଗ କରିବାକୁ ଯାତ୍ରୀଙ୍କୁ ପରାମର୍ଶ ଦିଆଯାଇଛି।
