ଭକ୍ତଙ୍କ ଭାବାବେଗ ସହିତ ଖେଳ; ପୁଣି ଇସ୍କନ ପକ୍ଷରୁ ଅଦିନରେ ରଥଯାତ୍ର

ପୁରୀ: ପୁଣି ଅଦିନରେ ରଥଯାତ୍ରା । ପଞ୍ଜାବ ଅମୃତସରରେ ଇସ୍କନ ରାଧାକୃଷ୍ଣ ମନ୍ଦିର ପକ୍ଷରୁ ପାଳିତ ହୋଇଛି ରଥଯାତ୍ରା । ଯାହାକୁ ନେଇ ଉଦବେଗ ପ୍ରକାଶ କରିଛନ୍ତି ଭକ୍ତ, ସେବାୟତ ଓ ଗବେଷକ । ବାରମ୍ବାର ଇସ୍କନ ଜଗନ୍ନାଥ ସଂସ୍କୃତିକୁ ଅସମ୍ମାନ କରୁଛି । ଏଣୁ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ଭକ୍ତ । ଥରେ ନୁହେଁ ବାରମ୍ବାର ଅଦିନରେ ରଥଯାତ୍ରା କରି ଘୋଷଯାତ୍ରାର ବିଧି ଭାଙ୍ଗୁଛି ଇସ୍କନ ।

ଦୁଇବର୍ଷ ତଳେ ଲୁଧିଆନାରେ କରିଥିବା ଭୁଲକୁ ପୁଣି ଦୋହରାଇଛି । ଗତ ୧୦ତାରିଖରେ ପଞ୍ଜାର ଲୁଧିଆନାରେ ପାଳିତ ହୋଇଥିଲା ରଥଯାତ୍ରା । ଯାହାକୁ ନେଇ ଉଦବେଗ ପ୍ରକାଶ କରିଛନ୍ତି କୋଟିକୋଟି କାଳିଆ ଭକ୍ତ । ଅକ୍ଷମଣୀୟ ଅପରାଦ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । ଏନେଇ ଉତ୍କଳ ବିଦ୍ବତ ପରିଷଦ ପକ୍ଷରୁ ଶ୍ରୀମନ୍ଦିର ପ୍ରଶାସନ ଓ ଗଜପତି ମହାରାଜାଙ୍କୁ ଦାବିପତ୍ର ଦିଆଯାଇଛି ।

ପୂର୍ବରୁ ମଧ୍ୟ ନିୟମ ଭାଙ୍ଗି ରଥଯାତ୍ରା ପାଳିଥିଲା ଇସ୍କନ । ଏଥିପାଇଁ ସବୁ ମହଲରେ ସମାଲୋଚନା ସହିତ ଆଗକୁ ଏପରି ଭୁଲ ନକରିବାକୁ ଚେତାଇ ଦିଆଯାଇଥିଲା । ତେବେ ସମାନ ଘଟଣାର ପୁନରାବୃତ୍ତି କରିଛି ଇସ୍କନ। ଏଭଳି ମନମାନୀ ଧର୍ମ ବିରୋଧୀ ଏବଂ ଅକ୍ଷମଣୀୟ ବୋଲି କହିଛନ୍ତି ଭକ୍ତ ଓ ସେବାୟତ । ଯାହାକୁ ଗୁରୁତର ସହିତ ନେଇଛି ଶ୍ରୀମନ୍ଦିର ପ୍ରଶାସନ । ବିଧିବଦ୍ଧ ଆଲୋଚନା ପରେ ଏତଲା ଦାଏର ହେବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ ।