ଫେରୁଛି କରୋନା, ସ୍ୱାସ୍ଥ୍ୟ ବିଭାଗର ଗାଇଡଲାଇନ୍ ଜାରି
ଭୁବନେଶ୍ୱର: କିଛି ଦିନର ବ୍ରେକ୍ ପରେ ପୁଣି ବଢିଲାଣି କରୋନା ସଂକ୍ରମଣ । ଦେଶର ବିଭିନ୍ନ ରାଜ୍ୟରେ ସଂକ୍ରମଣ ଏବେ ଉପରମୁହାଁ ହୋଇଛି । ଏଥିପାଇଁ କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ପକ୍ଷରୁ ବିଭିନ୍ନ ରାଜ୍ୟକୁ ଗାଇଡଲାଇନ୍ ଜାରି କରାଯାଇଛି । ଆସନ୍ତା ମାସରେ କିଛି ରାଜ୍ୟରେ ଉତ୍ସବ ପାଳନ ହେବାକୁ ଥିବା ବେଳେ ତାପୂର୍ବରୁ ସତର୍କ ରହିବାକୁ କୁହାଯାଇଛି । ମୁଖ୍ୟତଃ ପାଞ୍ଚଟି ନିୟମ ପାଳନ କରିବା ପାଇଁ କୁହାଯାଇଛି । ଟେଷ୍ଟ, ଟ୍ରାକ୍, ଟିଟ୍, ଟିକାକରଣ ଏବଂ କୋଭିଡ ନିୟମ ଅନୁପାଳନ କରିବାକୁ କୁହାଯାଇଛି । ବିଭିନ୍ନ ଉତ୍ସବ ପାଇଁ ଲୋକେ ଗହଳି ଜମାଉଥିବା ବେଳେ ପ୍ରଶାସନକୁ ସତର୍କ ରହିବାକୁ କୁହାଯାଇଛି ।
ଟିକାକରଣ ପାଇଁ ସ୍ବତନ୍ତ୍ର ଅଭିଯାନ ଆରମ୍ଭ କରିବାକୁ କୁହାଯାଇଛି । ବିଭିନ୍ନ ଉତ୍ସବରେ ଯୋଗ ଦେଉଥିବା ଲୋକେ କିପରି ଡବଲ ଡୋଜ୍ର ଟିକା ନେଇଥିବେ ତାହା ନିଶ୍ଚିତ କରିବାକୁ ସରକାରଙ୍କୁ ପରାମର୍ଶ ଦିଆଯାଇଛି । ଲକ୍ଷ୍ୟଣ ଥିବା ବ୍ୟକ୍ତିଙ୍କର କରୋନା ଟେଷ୍ଟ ପାଇଁ କୁହାଯାଇଛି । ସ୍ବାସ୍ଥ୍ୟକର୍ମୀଙ୍କୁ ପ୍ରୋତ୍ସାହନ ଦେବା ସହ ବୟସ୍କ ଏବଂ ଏକାଧିକ ରୋଗରେ ପୀଡିତ ଥିବା ବ୍ୟକ୍ତିଙ୍କୁ ସଚେତନ କରିବାକୁ ସ୍ବାସ୍ଥ୍ୟମନ୍ତ୍ରାଳୟ ପକ୍ଷରୁ କୁହାଯାଇଛି ।
