ଆନ୍ଧ୍ରର କୋଟିଆରେ ଅନୁପ୍ରବେଶ ଉଦ୍ୟମ

କୋରାପୁଟ: କୋଟିଆରେ ପୁଣି ଥରେ ଅନୁପ୍ରବେଶ କରିବାକୁ ଉଦ୍ୟମ କରିଛି ଆନ୍ଧ୍ର ପ୍ରଦେଶ । ବିବାଦୀୟ ଅଞ୍ଚଳରେ ହୋର୍ଡିଂ ଲଗାଇଲା ଆନ୍ଧ୍ର ପ୍ରଶାସନ । ଆସନ୍ତାକାଲି ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ଓଡ଼ିଶା ଗସ୍ତରେ ଆସୁଛନ୍ତି । ତା’ପୂର୍ବରୁ ବିବାଦୀୟ ଅଞ୍ଚଳରେ ଅନୁପ୍ରବେଶ କରି ଲୋକଙ୍କୁ ବିଭ୍ରାନ୍ତ କରିବାକୁ ଚେଷ୍ଟା କରିଛନ୍ତି ଆନ୍ଧ୍ର ଅଧିକାରୀ ।

ରବିବାର ଆନ୍ଧ୍ର ସାଲୁର ମଣ୍ଡଳ ଅନ୍ତର୍ଗତ ପାର୍ବତୀପୁରମ ଆଇଟିଡିଏ ପିଓ କୁର୍ମନାଥ ବିବାଦୀୟ ଅଞ୍ଚଳ ପରିଦର୍ଶନ କରି ଲୋକଙ୍କ ସହ ଆଲୋଚନା କରିଥିବା ଖବର ମିଳିଛି  । ସେହିପରି ନିଜ ଯୋଜନାର ପ୍ରଚାର ପ୍ରସାର ନିମନ୍ତେ ହୋର୍ଡିଂ ଲଗାଇଛନ୍ତି । ପୂର୍ବରୁ ମଧ୍ୟ ନାମଫଳକ ଲଗାଇବାକୁ ଚେଷ୍ଟା କରିଥିଲା ଆନ୍ଧ୍ର ପ୍ରଶାସନ ।