ତାମିଲନାଡୁରେ ପୁଣି ଅଭିନେତା ବିଜୟଙ୍କ ମେଗା ସୋ। ରାଲିରେ ସାମିଲ ହୋଇଛନ୍ତି ହଜାର ହଜାର ଲୋକ। ଟିଭିକେ ସଭାପତି ଥିବା ବିଜୟ ତିରୁଚିରାପଲ୍ଲୀରେ କରିଛନ୍ତି ସମାବେଶ। ଗତ କିଛି ମାସ ଧରି ତାମିଲନାଡୁରେ ଅଭିନେତା ବିଜୟଙ୍କ ସୁପର ସୋ ସୃଷ୍ଟି କରିଛି ରାଜନୈତିକ ଝଡ଼। କିଛି ଦିନ ତଳେ ଏକ ମେଗାରାଲିରେ ସାମିଲ ହେବା ସହ ଲକ୍ଷାଧିକ ଜନତାଙ୍କୁ ଉଦବୋଧନ ଦେଇଥିଲେ ବିଜୟ। ସେ କଂଗ୍ରେସ, ବିଜେପି, ଡିଏମକେ କିମ୍ବା ଏଆଇଏଡିଏମକେ ସହ ମେଣ୍ଟ କରିବେ ନାହିଁ ବୋଲି କରିସାରିଛନ୍ତି ଘୋଷଣା। ଆସନ୍ତାବର୍ଷ ତାମିଲନାଡୁରେ ବିଧାନସଭା ନିର୍ବାଚନ ହେବାକୁ ଯାଉଥିବାବଳେ ବିଜୟଙ୍କ ରାଲି ଅନ୍ୟ ଦଳ ଲାଗି ହୋଇଛି ଚିନ୍ତାର କାରଣ।
