ରାଜଧାନୀରୁ ପୁଣି ହଜିଲା ନାବାଳକ, ଖେଳିବାକୁ ଆସି ଫେରିଲାନି ପୁଅ

ନନ୍ଦିଘୋଷ ବ୍ୟୁରୋ : ରାଜଧାନୀରୁ ପୁଣି ହଜିଲା ନାବାଳକ । ଭୁବନେଶ୍ୱର ପଳାଶୁଣୀ ଅଞ୍ଚଳରେ ରହୁଥିବା ପଙ୍କଜିନି ସାହୁ ଓ ଦାଶରଥି ସାହୁଙ୍କ ୧୩ ବର୍ଷର ପୁଅ ବିଜ୍ଞାନ ସାହୁ ନିଖୋଜ । ଗତ ଏପ୍ରିଲ ୧୮ ତାରିଖରେ ବାହାରକୁ ଖେଳିବାକୁ ଯାଇ ଘରକୁ ଫେରିନଥିଲା । ଗତ ଏପ୍ରିଲ ୧୯ ତାରିଖରେ ମଞ୍ଚେଶ୍ୱର ଥାନାରେ ଏତଲା ଦେଇଥିଲେ ପରିବାର ଲୋକେ । ଘଟଣାକୁ ୬ ଦିନ ବିତି ଯାଇଥିଲେ ମଧ୍ୟ ଏପର୍ଯ୍ୟନ୍ତ ପୋଲିସ ଏ ମାମଲାରେ କୌଣସି ଆଖିଦୃଶିଆ ପଦକ୍ଷେପ ନେଇ ନଥିବା ଅଭିଯୋଗ କରିଛନ୍ତି ପରିବାରଲୋକ ।

ଅନ୍ୟପକ୍ଷରେ ପ୍ରାୟ ୩ ବର୍ଷ ହେଲା ଭୁବନେଶ୍ୱରରେ ରହି ମା’ ବାପା କାମ କରି ପେଟ ପୋଷନ୍ତି । ବାପା ଏକ ଘରୋଇ ଲଜରେ ସଫେୟା କାମ କରୁଥିବା ବେଳେ ମା’ ଘର ଘର ବୁଲି ଘରକାମ କରନ୍ତି ତେଣୁ ପରିବାରର ଆଶାର ବାଡ଼ିକୁ ଫେରାଇ ଦେବାକୁ ନେହୁରା ହୋଇଛନ୍ତି ବାପା ମା । ଲୁହ ଝରେଇ ମା’ କାନ୍ଦୁଥିବା ବେଳେ କୋଳକୁ କେବେ ଫେରିବ ଛୁଆ ସେକଥା ପଚାରୁଛି । ସେପଟେ ରାଜଧାନୀରେ ଛୁଆମାନେ ଏବେ ସୁରକ୍ଷିତ ନଥିବା କହିଛନ୍ତି ପଡ଼ୋଶୀ ।