ଟିକା ପରେ ଏବେ ଆସିବ କରୋନା ବଟିକା, ଆରମ୍ଭ ହେଲା ମାନବ ପରୀକ୍ଷଣ
ନୂଆଦିଲ୍ଲୀ: ଟିକା ପରେ ଏବେ ଆସିବ କରୋନା ବଟିକା। ଆମେରିକାର ଫାଇଜର କମ୍ପାନୀ ଏନେଇ ମାନବ ପରୀକ୍ଷଣ ଆରମ୍ଭ କରିଛି। ଏହି ବଟିକା ଖାଇଲେ ପ୍ରାଥମିକ ଲକ୍ଷଣରୁ କରୋନା ଭଲ ହୋଇଯିବ । କରୋନାକୁ ମାତ୍ ଦେବା ପାଇଁ ଉଭୟ ଟିକା ଓ ବଟିକାର ଆବଶ୍ୟକ ବୋଲି ଫାଇଜର ପକ୍ଷରୁ କୁହାଯାଇଛି। ଆମେରିକାରେ ବଟିକାର ପ୍ରଥମ ପର୍ଯ୍ୟାୟ ପରୀକ୍ଷଣ ଆରମ୍ଭ ହୋଇଥିବା ବେଳେ ଏହା ସଫଳ ହେବ ବୋଲି କମ୍ପାନୀ ଆଶା ରଖିଛି। ଏହି ଟାବେଲଟ କରୋନାର ନୂଆ ଷ୍ଟ୍ରେନ ଉପରେ ମଧ୍ୟ ପ୍ରଭାବଶାଳୀ। ଫାଇଜର ସହ ଜର୍ମାନ କମ୍ପାନୀ ବାୟୋଏନଟେକ୍ର ସହଭାଗିତା ଥିବାରୁ ସେଠାରେ ମଧ୍ୟ ବଟିକା ବ୍ୟବହାର ପାଇଁ ଅନୁମତି ମିଳିବ ବୋଲି ସୂଚନା ମିଳିଛି ।
